大記攦粉糕點專門店 (已搬遷) 新店位置

以前買,係大大件件,買得五六件,會有個發泡膠盒裝住,重揼揼。而家變晒獨立包裝,唔環保之外,仲細件左好多,而且感覺非常商業。呢D中式糕點,咁樣包裝法,失晒風味,講真,影響到,好似無以前咁好食添!薑汁蕃薯糕,薑味好輕微,蕃薯亦切得太幼細,失左蕃薯的重型口感。不過好欣賞佢既創意!南杏北杏糕,上次食同今次食,都好重南北杏味。但唔鐘意佢混入整粒杏,起碼都揼碎佢,食落唔會零零舍舍有粒o趙口野吖!紅豆糕,請左人食,記得上次食都ok。芋頭西米糕,唔夠芋頭粒,而且芋頭唔綿。整體糕點,質感爽而煙韌,蒸一蒸,本身favor味仲出D添!其實都算依然好食,不過都係o個句,咁機器啤出黎既形態,失晒「真」之餘,亦是傳統手藝失傳的開端....。