漁屋日本料理 (海寶花園) (已結業)

仔仔終於考晒試，今晚就帶佢食餐好嘅慶祝下啦。但我聽日要返工，所以都係唔去咁遠，近近哋就去屋企嘅樓下嘅漁屋日本料理食放題啦。而大埔漁屋聽朋友講，口碑唔錯又多嘢食，今日一於食盡佢！可能係平日嘅關係，人唔多，座位寬闊，坐得好舒服。十幾款點菜紙，好多款式。而每位個會送磯燒鮑魚，夠晒驚喜。放題總要食刺身，首推三文魚同甜蝦，三文魚新鮮厚切，肥美道一流。 至於甜蝦大大隻，味道鮮甜爽口，呀仔一個人食咗最少12隻。燒三文魚壽司都係我哋最愛，入口即熔。而飯都唔會鬆散。海老天婦羅唔油膩，亦唔厚粉，非常滋味。飲品方面，呢度有好多自家DIY，夠晒新鮮感。