漁屋日本料理 (海寶花園) (已結業)

知道佢30/10 last day, 我有張VIP仲有成千蚊，咪去食鬼埋佢去，我6點去到，order第一轉嘢食，成45分鐘都唔嚟，坐我格隔離嗰枱遲我入座啲嘢食出得勁快，我問咗幾次啲職員，又話出緊，要即刻炸即刻整，我叫咗碗仔翅一個鐘連碗都見唔到，唔通佢即刻煲，搵鬼信，之後見我開始火火地，就先嚟啲魚生，嗰是已經7點，佢要8:00交場，但我一啲嘢都未落肚，嬲到爆，心諗唔怪得要執笠😡😡😡😡未試過食放題食到咁嬲，食到8點啦⋯⋯我6:01 order嘅壽司冇嚟過、一口牛消失咗、清酒煮蜆入咗黑洞，最後叫雪糕🍦衰到唔比落單

唔簡單，要做到我附近連埋我地枱枱都鬧，真心唔簡單。每order一round都要等半個鐘。頭兩round 野都叫黎哂，第四同第五round上得4分1。第一次食放題可以食唔飽。食物質素中規中矩。可樂叫左35分鐘都唔上。寫明食6:00-8:00，8:00唔催你走因為都無人等位，但又唔上野食。 之後聽到幾枱同我地都話，俾埋甜品我地就埋單啦。甜品都要等20分鐘。去對面百佳買都快過等佢上。見到外賣單就幾袋幾袋咁送出去，放題既就無野食個個鬧。想問咁做生意整臭自己個名可以做到幾耐。其實見到咁多負皮都有少少驚，親歷其境就明點解個個都俾負皮。大埔都有唔少好野食，覺得無謂要貼錢買難受。

漏單情況嚴重到誇曬張 甘怕比客食多好心就咪鬼開放題 啲員工仲要十問九吾應西出囗西面好似得罪佢甘 啲野食又鹹又霉 刺身三文魚仲可以有骨既 其他刺身都可以完全吾新鮮 啲擺盤好似隨手扔上去就出菜甘 一定吾會有下一次

剛剛星期六, 去試咗兩小時晚市日式放題, 佢都係用手機落單, 操作都簡單方便。但係, 頭40分鐘一直都冇魚生刺身及壽司等等送上, 淨係送上已點好嘅炸物, 蟹粥, 湯麵等等。再過15分鐘後先才獲告知, 原來廚房落單機壞咗。再等多十五分鐘, 終於肯過嚟手寫單落魚生, 但係送上嘅都唔係自己想食嘅！絕對劣評！喺日式放題中, 食炸物/熱食 食到飽都係第一次。仲有佢啲炸粉完全唔得, 天婦羅硬掘掘, 真心要改進。仲要288+1一位~得啖笑~

入去一坐低已經感受到員工態度悪劣，所以未有機會品嚐佢哋嘅食物我就已經走咗啦，EQ高嘅可以去試下^_^見到幾枱係度催緊單，唔想貼錢買難受，所以都係走為上着，善哉善哉。

約咗朋友食lunch 行行下佢話不如試下呢間午市呢間我只係好多年前食過晚市放題從未係度食過午餐我哋等咗陣就入到去睇下餐牌先，都有幾多款式選擇有拉麵有烏冬有刺身有定食，仲有鍋物咁我就揀咗鰻魚定食set有鰻魚飯、沙律、麵豉湯、甜點 $78麵豉湯雖然預咗佢咸但真係好咸沙律菜就得幾條到主食鰻魚飯都係好失望食落鰻魚有雪味，同唔肥美只係靠鰻魚汁先食得到甜點也是難吃的整體午市非常麻麻，唔係貴係唔好食成日聽到話呢間放題差咗好多連午市都可以慳返

之前食過兩次都好高質無諗過而加差到一個點，體驗真係好差6:18分座低 即刻落單7:00一件刺身都無，整係黎左啲天婦羅追左第三次同我講廚房無單叫我再落過，話系統有問題格黎枱枱都發哂火講真既 佢款式真係比一般放題店多有拖羅 長腳蟹 飲品甚至紅白酒都有但如果連上菜都有問題再多款都無用唔通我比千幾蚊黎食天婦羅咩後尾應該搞到7:10分左右先有盤刺身有位四眼哥哥都算盡力幫左手睇番其他人既食評我相信唔係單一事件，唔建議有下次

食物質素差左好多🤧 但價錢仲要貴左😤 份量一般🥱 今次叫左3個餐🐟🦐 海鮮火鍋一人前 🐄🐂牛肉火鍋一人前 🐟🐍鰻魚丼一人前🐟🐍 鰻魚丼一人前 （HKD74）幾個月前食過唔錯😉 打算黎多次實冇死啦😛 點知就死左啦😭 今次食落較咸同濕🥱 冇左從前好香嘅鰻魚味👀🐟🦐 海鮮火鍋一人前 （HKD110）🐄 🐂牛肉火鍋一人前 （HKD98）倆火鍋湯底算唔錯啦🧐 但配料方面就較少😔主要都係菜菜菜 同埋菜🥬🥒🥦海鮮料算比較易接受🙌 有2片厚厚三文魚食下🐟牛肉火鍋真係一般😭 牛質一般🥱唔值呢個價😖

之前光顧兩、三次, 貪佢近近地又多款式又幾好食就再黎試，點知今次差左好多了。吾知關吾關疫情問題轉左入貨來源？刺身尚叫新鮮（除咗蝦）雞翼勁乾又冇味！牛舌好難食！林bearbear甘！凍雞卷 呢個幾好食食物都叫做多漏單，今次比較失望，希望你地睇到會改善一下，期待下次有進步

/近排屋企人生日就去左呢間食日式放題放題選擇都幾多，有多種款式前菜，刺身，熱食，特飲，甜品當日餐廳都幾滿場我哋嗌左好多野都比較遲黎/冇上😵‍💫呢到就綜合左少少我哋覺得唔錯既😗-🥢前菜見到有Parma ham配哈蜜瓜！一定要試下，食落雖然正，但芝麻醬既味道同佢有小唔太夾🥢刺食刺食都係基本款式，可惜每次每款只可以叫5件。刺身都幾大塊又厚身，食落都好滿足🥰 貝類亦都好爽口，不過就唔算好新鮮。另外有蟹腳同泰式生蝦，但完全冇蟹味蝦味，只有雪味😵‍💫🥢芝士帆立貝滿滿既芝士佈滿哂成個殼😍淨係望到都超吸引，而且仲熱辣辣拉絲，可惜帆立貝就比較細。🥢串燒我哋都嗌咗好多唔同款嘅串燒，但係有好多都冇上到😵‍💫我哋估可能去咗隔籬枱，唯獨牛舌上得好快，而且好厚身好有咬口😝🥢飲品有好多款式嘅特飲，水果茶，奶蓋紅茶，金牛，黑牛（我最愛😝）等🥢甜品有好多唔同款雪糕，雪條，甜品，我就嗌左香蕉船，水玄餅同布甸！果然甜品係第二個胃😂 原來佢都另外有送Hagen Dies同Movenpick雪糕-整體上食物的確好多款式，好多都好吸引，但可能嗰日真係太多人，見餐廳人手都唔係好夠，我哋有好多嗌左都食唔到🥲如果有機會係少啲人嘅時候都

第一次係到食午市，原本呀媽話想放題，但因為3點就完，所以食唔到幾耐就食2-3人餐。首先，落單果到signal又唔好，仲要用到個app時發現個餐唔係app入面，嘥左啲時間用個app上野食：幾快手。 但係乜餐具都冇比…比兜翅同無骨鳳爪黎，但筷子/碗/匙羹/豉油碗都冇…食壽司刺身連wasabi都要問職員拎，因為佢係一包包仔果啲，乜都要問先人味道：極普通…衛生：！！仲要我見到好細隻蚊係粒帶子到！！好彩佢肯換！不過之前又見到好細隻野係枱到行…一隻手指ko左佢之後，都乜胃口想食服務：黎野食快，但收錢都仲快。我都未話埋單，雪糕都未黎，張單就比左我先，我一手放左係一邊先，唔洗10秒，個職員即刻調轉頭check張單有錢未。樓面人手又好唔夠，搵個staff拎野難到冇人有，自己出去拎仲快。總括黎講：自己係屋企煮公仔麵仲開心😃

午市放題，約1245去到，有1x樣野係沒得order（如圖）。羊架，牛舌乜都sold out，而入座果時職員沒講明（喂，大家比既錢一樣，遲左黎就沒野食？如果講明等走左啦）12店開門咁快乜都賣哂，大佬叫人點食到3點？又漏單，下欄野黎得快，花之戀或特別少少少果d永遠又拖又唔齊，係沒得揀之下叫左個拉麵食飽佢就算。最後租品紙又係1x款得3樣野揀，喂講真，你對唔對得住呢個價位呢？沒下次。食到一肚氣。出菜職員係沒問題，係個廚房唔知咩事。

就嚟父親節所以食放題慶祝依稀記得大埔呢間漁屋唔錯所以encore午市放題 但發現啲質素差咗好多仲要一個人成$300埋單 我覺得我哋deserve better我覺得有幾樣唔好1. 刺身唔新鮮種類好少2. 午市啱啱開門好多嘢都無曬(放題必食嘅羊架又無，一口牛又無😕)3. 牛脷唔知喺咪比我哋食垮咗(嗌咗15串就無得再嗌4. 牛脷無咩味 問店員拎鹽 搵咗三個先有人拎5. 炸蠔有隻臭嘅🤢6. 甜品到最後先肯比仲要漏曬單7. 免費一人一杯雪糕將紙有成七八款，但只有三款可以揀（原因喺供應商未到🤔？）整體唔推介去食咁嘅價錢去食日本專門店仲抵

由於疫情關係已很久沒有來了，因為周年紀念所以來吃一次，裝修後環境比以前好，整潔乾淨。即使是星期日吃放題的人也不多，還有位子可以吃定食。刺身都新鮮，不過下單件數有時與上枱數量不一樣，有一些食物下了單沒有來。員工服務態度良好，都不時幫手追單，食物上枱很快都不需要很等很耐。蝦多士有驚喜，牛舌好軟燒得好香但就忘記了影相，香芒大蝦沙律好好味，底部是什果沙律，吃得出有新鮮菠蘿蘋果火龍果，不是罐頭沙律，只可惜是沙律醬落得太多，食物都大部份相當唔錯。

👩‍👦母 親 節 之 選👩‍👧大 家 記 吾 記 得 母 親 節 係 第 幾 個 星 期 日 呢？小 編 我 就 成 日 吾 記 得不 過 今 次 醒 目 地 事 先 一 早 book 位皆 因 老 媽 一 直 表 示 想 食 放 題✨✨✨✨✨✨✨✨✨✨✨上 次 跟 👦🏻 食 一 次 覺 得 吾 錯特 別 係 啲 刺 身 三 文 魚。厚 切 鮮 甜另 一 方 面 羊 架 係 我 必 食 的牛 仔 扒 個 汁 好 正 而 且 夠 軟整 體 黎 講 選 擇 吾 算 少不 過 不 太 喜 歡 生 日 熄 燈 播 歌閃 燈 不 停 眼 前 岀 現 而 且 首 歌 吾 係 只 唱 一 次Anyway 今 星 期 日 再 食 過‼️😘提 供 一 個 母 親 節 選 擇 給 大 家😘❤️❤️❤️❤️❤️❤️❤️❤️❤️❤️❤️店鋪：漁屋日本料理 (大埔)地址：大埔安慈路1號海寶花園地下8A-9A號舖#nkiki放題 #nkiki大埔