影片
更多
2024-02-29
42 瀏覽
話說呢排凍咗好多，真係唔打邊爐唔得😖 最開心係可以成班烚吓烚吓！咩都食少少就最正啦！所以今次去咗將軍澳嘅方叔叔～可以食到單點而又高質嘅邊爐😋無辣不歡嘅我梗係揀個鴛鴦鍋！一邊就係重慶辣，另一邊我就揀咗季節限定既羊肉湯。羊肉湯係新出嘅，仲要個湯底可以飲咗先再打邊爐🍜飲得出係冇落味精同埋都幾鮮甜，入面仲有好足料嘅羊！然後第一件事，我就叫咗季節限定嘅鮮拼九宮格👀 好正! $228有齊晒9款嘅嘢食～啱晒我啲選擇困難症嘅人😂 最欣賞係佢個珊瑚蚌，同埋黃喉，兩樣新鮮嘅程度淥10秒左右就食得，而且好爽口😋 另外個豬手大大嚿😂第一次打邊爐落豬手，原來店員每日一開頭處理咗好多個鐘，唔怪得知個豬手可以咁淋！另外我哋叫咗一個季節限定- 一嚐回味牛肉拼盤🐮個拼盤嚟到勁靚，忍唔住打咗卡先🤣 個拼盤總共有四款牛再加另外兩款菜🥬 超級想讚一讚滕椒牛舌！平時我鍾意食厚切嘅牛舌，博切嘅仲要係辣嘅真係第一次試～但係佢出乎意料地彈牙同埋勁有牛味！我諗我下次會再encore牛舌！另外頂頂嗰個青瓜花，我第一次見😂如果有朋友好似我一樣鍾意少少草青味嘅話呢款啱晒你! 我忍唔住點多咗一碟，好似食緊青瓜咁好爽口好得意😂 同埋叫依個拼盤佢
無辣不歡嘅我梗係揀個鴛鴦鍋！一邊就係重慶辣，另一邊我就揀咗季節限定既羊肉湯。羊肉湯係新出嘅，仲要個湯底可以飲咗先再打邊爐🍜飲得出係冇落味精同埋都幾鮮甜，入面仲有好足料嘅羊！
然後第一件事，我就叫咗季節限定嘅鮮拼九宮格👀 好正! $228有齊晒9款嘅嘢食～啱晒我啲選擇困難症嘅人😂 最欣賞係佢個珊瑚蚌，同埋黃喉，兩樣新鮮嘅程度淥10秒左右就食得，而且好爽口😋 另外個豬手大大嚿😂第一次打邊爐落豬手，原來店員每日一開頭處理咗好多個鐘，唔怪得知個豬手可以咁淋！
另外我哋叫咗一個季節限定- 一嚐回味牛肉拼盤🐮個拼盤嚟到勁靚，忍唔住打咗卡先🤣 個拼盤總共有四款牛再加另外兩款菜🥬
超級想讚一讚滕椒牛舌！平時我鍾意食厚切嘅牛舌，博切嘅仲要係辣嘅真係第一次試～但係佢出乎意料地彈牙同埋勁有牛味！我諗我下次會再encore牛舌！另外頂頂嗰個青瓜花，我第一次見😂如果有朋友好似我一樣鍾意少少草青味嘅話呢款啱晒你! 我忍唔住點多咗一碟，好似食緊青瓜咁好爽口好得意😂
同埋叫依個拼盤佢會送兩杯嘢飲，我就揀咗日本七寶札幌生啤🍻
之後想重點講吓兩樣嘢，第一樣係牛骨髓🥹我冇諗過打邊爐都可以食到! 同埋個口感好特別有幾好食🤣 最後一樣就係小水母，我冇諗過自己會食新鮮嘅水母🪼一開頭我哋唔敢擺落口😂😂😂食落又幾好食！因為我平時好鍾意食海蜇😋呢個下次都會encore
總括嚟講，次次食親方叔叔都好有驚喜🙈因為成日都見到啲從來未食過嘅，都可以喺度食到同見到🤭 而且又新鮮又好食，唔係吹水！
張貼
