東海酒家 (已結業)

平心而論，呢間東海酒家比起以前真係差好遠。以前好食，服務好，有水準。今時今日佢哋嘅管理真係大不如前。不過今晚來晚飯，又發現佢哋OK返dd~ 有位經理服務都唔錯，樓面比早上嗰啲阿姐OK～ 因為媽媽唔食大閘蟹，但係原來佢嘅大閘蟹餐可以叫一人，唔會迫你要兩位起。所以我就可以自己叫一個餐，媽媽就叫咗個鮑魚鵝掌煲，咁樣食法，感覺幾良好喎！每次見到呢隻碟感覺都幾開心。包一杯紅酒。呢個羹冇乜特別～蟹粉小籠包，唔覺得好多蟹粉，不過都有啲湯喺入邊，合格！其中一隻特別多膏，兩隻size唔細～茄汁煎大蝦，夠大隻！呢個糯米飯都幾鬆軟，唔會硬骨骨食唔落嗰啲～薑汁芝麻湯圓～ 勁辣！有四隻鮑魚，鵝掌都大隻～味道良好！總括來講，係滿意嘅。但係我早上平時嚟飲茶，服務同食物都真係很一般…. 希望管理層真係留意吓，個品牌做咗咁多年，講起食大閘蟹就會諗起東海同埋另一間，無謂嘥咗個本來做得幾好嘅品牌啊…… 鰂魚涌已經唔多酒樓，做好啲，街坊都會繼續支持！備注：個套餐仲有一個蒜片牛粒，幾好食，不過唔知只係比我擺12張相，所以就冇相了。