南記粉麵 (已結業)

南記，對於在香港上班的人來黎講，幾近成為梗有一間係左近。第一次吃,是在中環，其後發覺不少商業區都有佢蹤影，現在來到灣仔上班，可說是他鄉遇故知。在天樂里這一間分店，中午例牌人頭湧湧，尤以OL學生居多。但現在因為香港股市，我也跟著改了食飯時間，今天12點左右黎到，完全是不用等位。叫了一碗大什錦河，果真大堆頭，三粒墨丸、兩粒魚蛋、三隻魚皮餃、兩條魚肉春卷。魚肉春卷水準依舊，但最近食慣左荃灣雄記的牛脷酥春卷，還是覺得荃灣雄記好；魚蛋、墨丸很正常，我覺得成碗最好味反而是魚皮餃，可能因為好久沒吃過吧，沒有雪得很久的感覺，雖然也不似鮮造。另一令人興奮當然係任加醃咸冬菜，就咁食絕對覺得過咸，但放湯就剛剛好了。其實最近南記轉左招牌形象，之後印象是第一次試，咁耐無食，的確令人懷念。以後12點食晏，機會多的是呢。