自家點心 (已結業)

一個人吃飯我幾喜歡到中式點心店，份量岩岩好，又可以吃到唔同既食物，　可以一次過滿足幾個需要。今晚試既係自家點心。店子唔算細，不過都舊舊地。阿姐都求求其其，愛理不理咁。北菇蒸雞飯最怕食蒸飯來的是什麼迷你牌, 食到唔拖唔水。呢個蒸飯份量合格, 飯粒夠棉, 雞肉雖然無乜味但係幾滑熱辣辣加埋甜豉油, 每口盡是滿足。雖然係一個人, 但係只食一個蒸飯總是感到美中不足, 於是點要一樣點心。豆苗鮮蝦餃曾經意圖想將整隻菜餃吞下，但絕對是Mission Impossible, 其熨口程度係掂到都會縮開嗰隻。至於餃皮黏性較重, 厚有點過厚，而豆苗和鮮蝦比例還OK。一則趣事, 有一個男人沖入去借廁所 (當然是無幫襯), 之後阿姐狂追呢位男仕要他付借廁所費, 之後兩人激烈口角 (夾雜著大量粗口)當然最終還是不了了之，誰對誰錯也好 , 以顧客立埸來說就絕對令我對這店子扣晒分。