自家點心 (已結業)

出開花園街，行過嚟太子搵食，見到呢間食點心的，咦！都好耐冇試過飲夜茶了，就呢間喇。長春卷唔好食，菜苗餃咬開成口油，煎蛋牛肉飯，牛肉好食，如果煎蛋比多少少傳統煎蛋牛肉飯既誠意，煎番隻荷包蛋便更好食了。沙律盞，冇驚喜。點心不過不失，只能用抵食來形容。

星期五放工突然要去花墟，即是晚餐沒有訂位啦。差不多八點要去搵食，3個人沿花墟附近行咗兩圈，想食的餐廳要排長龍、又或者一個客都無，呢兩類餐廳都要放棄，唯獨「自家點心」，地方一樣細細間，感覺唔算壓迫，當時顧客大概有三分二，就一於試試啦！先講服務，算係中規中矩，無論點餐或要求其他都會即時有反應，但就唔會主動添茶。食物方面：1. 雪山叉燒包 - 係第一樣嚟嘅點心，一口咬落去已知今晚的晚餐會中伏了，即不用多說了。😒2. 鶉蛋燒賣 - 似蒸得過分的肉配鶉蛋。3. 香煎紫薯包 - 完全沒有期望下，居然係今餐最好食的點心，餡多紫薯香。4. 鳳爪排骨飯 - 不過不失，但我覺得叮叮蒸飯好味啲。😜5. 金網生煎窩貼 - 除了賣相，沒有賣點，餘下一件無人食。6. 高湯浸西生菜 & 菜心 - 菜心好老，西生菜普通。7. 布拉滑腸粉 - 唔滑，配合餐廳豉油、甜醬等，總係唔好食。8. 鮮蝦腐皮卷 - 表面超油，但入口岀奇地脆，是整晚唯二會贊的點心。可能會話一分錢一分貨，但我寧願餐廳收貴少少，又或者收回現價而調整份量，從而提升食物質素。現在只有講句：「真的贊不了、沒有下次了！」

是日陪爸爸飲茶，來到久未到訪的這家點心店。位於太子的這家店，縱然置身花墟附近的一角，午市一向亦不乏人潮。等了差不多15鐘，才可入座。點心店內，桌與桌之間的距離近，較為狹迫，不像是一處會慢慢喝茶的地方，但這裡的招牌雪山叉燒包一直深得我心。沒想到，該日的雪山叉燒包（$8一隻，2件起）失準了。不僅僅是雪山皮做得不鬆脆，相當鬆散，包身乾得誇張，沒有原本的軟熟質感。推薦指數：2/5幸好，煎蛋牛肉飯  ($20) 保持一貫質素。流心的半熟荷包蛋混和肉餅和熱飯，味美！牛肉餅打得鬆軟，亦吃到芫荽的香味。推薦指數：4/5接著上桌的是素菜蒸粉果($18)，雖然蒸得透薄，但黏著雙筷，最後餡料漏出。不過，餡料拌了蠔油，配以各蔬菜甜味還是不錯。推薦指數: 3/5至於另一至愛馬拉糕 ($16)又失準了。。。雖然不乏鬆軟的感覺，亦吃到奶香，但感覺仍是不及以前屬蓬鬆，也少了黃糖的焦香味道。感覺別的點心店更為好吃。推薦指數：3/5為免再失望下去，也沒有多點其他點心便離開了。綜合環境和食物兩大點，也許這店不作常光顧食店之列。

太子點心店雲集，算是找機會試試不同的小店，其他小店都尚算不錯，但這次到<自家點心>，真的只有自嘆中伏，唔會有下次。叫了一個蒸飯，<銀魚仔肉餅蒸飯>，飯上面竟然可以放一條凍的白菜！一咬下去的冰凍已經完全破壞我之後食蒸飯的心情，這樣簡單的細節也可以咁求奇，非常失望。雪山义燒包非常普通，可以不用再試。燒賣，春卷，蝦餃 一般酒樓水平，沒有特別驚喜最後不得不提小籠包！皮硬，一睇賣相 根本完全蒸過時！ 非常嘔心，根本就算唔識烹煮，自己放入微波爐丁 賣相都會好過佢。咁都可以拎出來比客人食，可見製作的態度。 非常叫人失望， 去本地最普通的酒樓也不會有如此低水準。不會有下次。

星期六下午見唔使等位就諗住試吓，流沙包都有流沙，都算合格，盅頭飯飯粒比較硬，料亦比較少，蝦餃燒賣只是一般，總括食物質素普通，但最差係2人消費，竟收我9人茶錢，好彩平時有睇單習慣，以3蚊一位茶錢，總共收多我21蚊，佢全間鋪都擺唔到9個連位，好奇怪打單會打9個人茶錢，試問如果9個人點會叫咁少野呢？

好友收工相約去太子行花墟，食個點心下午茶，入內只有一枱客，地方大，桌椅唔迫，中式格局，店員阿姐招呼我哋坐張四人枱，再問要水定要茶（茶係無款式揀嘅）枱面已有落單紙，畫好交比店員，之後即叫即蒸，黃沙豬潤腸（$18）腸粉太淋，夾起就斷，腸粉夠滑又薄身，豬潤多，沙沙地甘香味道，不過啲筋都幾多，豉油已調味，味道偏甜！一般蟹籽燒賣皇（$14）燒賣豬肉有肉汁肥美爽口，外皮薄，蟹籽唔多！味道正常香芒糯米糍（$20）同參考圖片相差懸殊，糯米糍夠凍，糯米無煙韌感，芒果唔夠多又無味，一件食落都係外層嘅椰絲味，無其他味！差！雪山叉燒包（$14）呢個最遲來，雪山外皮甜膩，包身鬆軟，叉燒餡甜膩，不過唔夠多，麵包無脹卜卜嘅感覺！差！茶錢（$3位）茶款無得揀，而且茶味唔夠濃，無茶香！係唯一可以嘅係夠熱！點心有啲款式可以逐隻叫，呢樣幾好，人少都可以試多幾款！店員勤快，上菜上茶收碟勤快！又主動加茶！服務比點心好

夜晚十點幾黎到太子,唔少點心鋪都已經關左,但係呢間就開到12點,見到店內環境好似唔錯,便決定一試呢到既點心選擇都幾多,而且價錢都OK,最終2個人1叫左4樣野食脆米炸蝦腸$28呢個可以話係升級版炸兩,不過入面唔係油炸鬼,好似網卷咁,而且入面有蝦,咸咸地幾好食,亦係佢價錢較貴既原因,外軟內脆,不過呢個價錢我係覺得貴左少少既香煎蝦米腸$18份量幾足夠,欣賞佢每條蝦米腸都真係有煎,唔會食到下面就只係白腸粉雪山叉燒包$7/個特別之處係佢個皮好似墨西哥包咁樣,所以食落去好香奶油味,入面既叉燒餡亦唔錯另外呢到既好處係有D點心可以2個起叫,就番自己既人數鳳爪排骨飯$26碗飯都幾大碗,排骨整得幾好,林得黎唔會無哂口感,鳳爪都好夠味兩個人埋單共$90,已經食得好飽,呢間點心舖算係幾抵食

一個人吃飯我幾喜歡到中式點心店，份量岩岩好，又可以吃到唔同既食物，　可以一次過滿足幾個需要。今晚試既係自家點心。店子唔算細，不過都舊舊地。阿姐都求求其其，愛理不理咁。北菇蒸雞飯最怕食蒸飯來的是什麼迷你牌, 食到唔拖唔水。呢個蒸飯份量合格, 飯粒夠棉, 雞肉雖然無乜味但係幾滑熱辣辣加埋甜豉油, 每口盡是滿足。雖然係一個人, 但係只食一個蒸飯總是感到美中不足, 於是點要一樣點心。豆苗鮮蝦餃曾經意圖想將整隻菜餃吞下，但絕對是Mission Impossible, 其熨口程度係掂到都會縮開嗰隻。至於餃皮黏性較重, 厚有點過厚，而豆苗和鮮蝦比例還OK。一則趣事, 有一個男人沖入去借廁所 (當然是無幫襯), 之後阿姐狂追呢位男仕要他付借廁所費, 之後兩人激烈口角 (夾雜著大量粗口)當然最終還是不了了之，誰對誰錯也好 , 以顧客立埸來說就絕對令我對這店子扣晒分。

見呢間啲野唔貴就入去試下啦，真係一分錢一分貨，不能挑剔咁多叉燒腸算滑，叉燒份量一般，中規中矩炸雲吞，上菜時熱辣辣岩岩炸好，好脆，中間舊雲吞大約有半隻手指尾咁多到，對於中意食雲吞既我當然份量少左啲，但係10幾蚊3隻炸雲吞真係算係咁蓮藕餅，正呀，真係啖啖都食到好多蓮藕粒！蘿蔔糕不過不失啦，煎到有少少微窿，ok好食的流沙奶皇包先正熱辣辣上菜，隻隻包都有好多咸蛋皇奶皇餡都好夠味同夠多，十分推薦

之前試過太子間一點心，幾好食，但係就好迫 。今次經過呢度竟然星期六晚都唔洗等位，所以入左去試食。地方對比其他點心店已經算係好寬敞，而且呢度又唔會不停收晒你0的野迫你走，可以慢慢享受美味0既食物。2個人用餐，都食左唔少野：蝦餃，燒賣，脆皮奶皇包，芝麻卷，棉花雞，薑蔥牛柏葉，鮮蝦菜苗餃，牛肉腸。 (但由於太肚餓，所以無影相。)1. 蝦餃，燒賣：賣相ok，味道都正常。2. 脆皮奶皇包：皮炸得好脆，但可能炸耐左，咬到裡面就見到1/3都係炸皮，見唔到白色0既包皮。而且流心奶皇落得太多咸旦，得個咸字，食唔到奶皇味。3. 芝麻卷：呢個簡直係我中式甜點0既至愛，唔係間間點心鋪都有呀!! 呢間做得好滑，甜道適中。4. 薑蔥牛柏葉：味道唔錯，但略嫌辣左少少。5. 棉花雞：，0的雞肉無骨，一啖就吞晒 ~ 6. 鮮蝦菜苗餃：一上枱見到透晒0的水晶皮，完全感受到呢隻餃用料十足，咬落去味道果然好好，比蝦餃同燒賣做得更出色。7. 牛肉腸：腸粉幾滑，但0的牛肉就麻麻地，好多肥膏。總體黎講，呢間點心店性價比都幾高，值得一試。

睇完戲, 突然間好想食奶黃包, 所以諗住去某出名既點心鋪食, 點知太多人排隊, 最後隨便入左一間點心店食, 諗住試一試!店舖裡面睇落十分整潔, 除了香港人也又外國顧客! 我們點了4款點心, 大約等了5分鐘就有得食 =)布拉腸粉因為男朋友堅持要食齋腸, 所以我地叫左一份˳ 但係個腸粉唔夠滑, 個皮有啲太厚˳流心奶黃包包皮有點厚, 但奶黃值得一讚! 熱辣辣流出黎既奶黃好香, 而且不會過甜! 份量剛剛好, 不會太膩!馬拉糕外形跟平時食既有點不一樣, 但可能因為佢呢個形狀, 所以蒸得唔夠鬆軟˳ 個糕入面啲氣孔唔夠多, 所以有點過實˳ 甜度就一般˳鹹水角跟一般鹹水角差不多, 沒有特別˳下次可以只係外賣奶黃包, 堂食就會試第二間, 唔知多人排隊果間係咪真係好味啲呢~不過都要試下先知!

來一篇簡單的食評，寫一間平凡的點心店。位於太子花園街的這間點心專門店，坐得尚算舒服，招呼也過得去，但點心只是平平而已。「雪山叉燒包」：墨西哥包皮內藏著叉燒餡，味道尚佳，但只是抄襲之作。「花旗蔘灌湯餃」：有綽頭，但只是失敗之作，花旗蔘味淡薄，灌湯餃餡料味道欠佳，與湯混和後，湯味變得太鹹。「燒汁煎釀茄子」：燒汁下得太多，味道太鹹，即使茄子熱辣滾燙亦無補於事。「蟹籽沙律盞」：西為中用的點心，水果沙律夠開胃，春卷皮製成的沙律盞雖仍脆，但不熱。「脆米炸蝦腸」：炸蝦不多，水準普通。「水晶蝦餃皇」：工夫扎實，蝦餃大隻得來味道也過得去。「古法馬拉糕」：糕身鬆軟，味道不錯。總的來說，這間點心店的水準只是一般，再去的機會應不太高。

因為媽咪愛喝茶，家中附近也沒什麼地方有點心吃，難得看完醫生要找地方吃午飯，便來一吃。這店地方細小，坐位不多，所以點心份量和酒樓的有點不同，不過以我們2個人來喝，也是很足夠。食物的味道，也不差於酒樓，品質也不會因為店小而做得不好，茶芥收費不多，但點心收費有點偏高了，人數小而又想找地方喝茶，這裏也是一個不錯的選擇。**********************沒想到這店地方不多，看著內裏也坐滿了人，只等了10分鐘便能入坐。坐下便看到自家點心的推介了。因為地方細小，所以坐的地方也小，沒有每枱人一壺茶，這裏是所有人都喝同一種由店所安排的茶，茶芥為每人HKD2，這樣的安排也不錯。媽媽愛吃雞扎，所以便要了這個四寶湯雞扎HKD20。這雞扎是用上粟米芯、火腿，魚肚和雞肉，這樣比用芋頭更健康。魚肚入口不會太多油水滴下，份量也不會因為這樣而細小了，雞扎必定有火腿和雞肉，能配上粟米芯作為蔬菜中和，真的不錯。看見有雪山义燒包，HKD6/隻，必須要2隻起，看見這點心很少地方能提供，便要了2隻來試。可惜是這個雪山包其實是有點像墨西哥包，帶沒有墨西哥包的牛油香和甜，配上义燒有點咸中帶少少甜，感覺有點怪怪的。這點心名必

無睇過食評只係行過就走入去試吓！我同2歲半仔仔一齊去食，我抱住仔仔，叫兩位，阿姐問計唔計埋個細路，要唔要坐位，我話要，阿姐即刻俾面色我睇覺得我地好麻煩！原本問要唔要俾多個位係無咩嘢，但我來俾錢仲要受面色真係一肚氣！況且，咁都要問嗎？唔通我攬住個半個人禁高的小朋友食嗎？果3蚊茶錢我未至於俾唔起呀？！還有叫親佢地第一句都係話，等等先～禁細間舖有幾忙呀服務差還差但食物都唔錯，所以不至於劣評點了蘿蔔糕，好油但香有口感，食到蘿蔔絲馬拉糕夠鬆軟，係傳統的味道叉燒腸，皮簿餡多食得過

前日收工同同事想去旺角宵夜，大家都不约而同想食一些中式點心 剛巧有一間以"中式點心"做買點既食肆，我地入去試下 雖然舖面面積不大，但座位算舒適。雖然係平日，客人都很多，我地一班同事坐低後馬上睇睇餐紙，款式都多 我地叫左蝦蛟: 大大粒晶瑩 皮薄煙韌 蝦肉鮮美爽口 鮮蝦腸粉: 夠晶螢通透，腸粉皮很滑不會過厚 , D蝦彈牙 配個豉油汁 正! 酥皮叉燒包: 份量夠 好似菠蘿包 有一層薄薄既酥皮係面 幾脆 料用左瘦叉燒叉燒醬唔會太甜 叉燒就少左D 不過算有水準 等候時間長，但都值得!