影片
更多
2023-01-09
44 瀏覽
屋企人之前黎過呢間位於山林道嘅西餐廳Deep Sea Oyster & Steak，對呢度嘅食物讚口不絕。見咁啱黎開呢頭，就一於試下啦！餐廳位於一棟幾新淨嘅商業大廈，地方雖然唔係話好大，但裝修好精緻，播放住令人放鬆嘅純音樂，令人感覺有啲似喺私房菜用餐嘅感覺。呢度主打係世界各地嘅時令生蠔同牛扒，而店員亦都推薦佢哋嘅鐵板燒。menu食物選擇頗多頗吸引。俾大家睇下～我地首先order左一份一人套餐：套餐又有2隻生蠔、2隻燒大蝦、牛扒、沙律同埋餐湯。沙律菜好新鮮，餐湯係冇味精嘅三文魚麵豉湯，兩樣都好開胃。套餐嘅生蠔，分別係來自美國同埋日本嘅。由於我同女朋友一人一隻嘅關係，我有辦法比較兩款嘅味道，不過我哋都一致同意生蠔好新鮮，而且餐廳處理生蠔非常專業。燒大蝦好大隻，肉質彈牙，鮮味十足，非常惹味！牛扒用嘅係安格斯肉眼扒， 牛味十足！我地order嘅係medium，餐廳火候控制得非常之好！特別一讚嘅係牛扒嘅伴碟一啲都馬虎，薯角同蒜片都好香好脆！另外我哋都叫咗幾樣單點菜色試下。第一道係鵝肝多士：鵝肝煎得非常好，多士烤得好脆，夾埋啲醬汁一切是非常正！鮑魚炒蘆筍係用好香嘅牛油去炒嘅，所以香味撲鼻。蘆筍好嫩
屋企人之前黎過呢間位於山林道嘅西餐廳Deep Sea Oyster & Steak，對呢度嘅食物讚口不絕。見咁啱黎開呢頭，就一於試下啦！
餐廳位於一棟幾新淨嘅商業大廈，地方雖然唔係話好大，但裝修好精緻，播放住令人放鬆嘅純音樂，令人感覺有啲似喺私房菜用餐嘅感覺。
呢度主打係世界各地嘅時令生蠔同牛扒，而店員亦都推薦佢哋嘅鐵板燒。menu食物選擇頗多頗吸引。俾大家睇下～
我地首先order左一份一人套餐：套餐又有2隻生蠔、2隻燒大蝦、牛扒、沙律同埋餐湯。沙律菜好新鮮，餐湯係冇味精嘅三文魚麵豉湯，兩樣都好開胃。
套餐嘅生蠔，分別係來自美國同埋日本嘅。由於我同女朋友一人一隻嘅關係，我有辦法比較兩款嘅味道，不過我哋都一致同意生蠔好新鮮，而且餐廳處理生蠔非常專業。
燒大蝦好大隻，肉質彈牙，鮮味十足，非常惹味！
牛扒用嘅係安格斯肉眼扒， 牛味十足！我地order嘅係medium，餐廳火候控制得非常之好！特別一讚嘅係牛扒嘅伴碟一啲都馬虎，薯角同蒜片都好香好脆！
另外我哋都叫咗幾樣單點菜色試下。第一道係鵝肝多士：鵝肝煎得非常好，多士烤得好脆，夾埋啲醬汁一切是非常正！
鵝肝多士
2 瀏覽
0 讚好
0 留言
鮑魚炒蘆筍係用好香嘅牛油去炒嘅，所以香味撲鼻。蘆筍好嫩好爽，鮑魚亦都係鮮味十足，回味無窮！
雞泡魚乾雖然份量唔係好多，但係燒得好香。最緊要係啲雞泡魚乾本身唔會好腥！
燒雞泡魚乾
12 瀏覽
0 讚好
0 留言
總結：呢度食物質素高，價錢合理，環境好靜好舒服，值得推薦
張貼
