影片
更多
2019-01-22
156 瀏覽
呢間餐廳最近喺街坊group入面被提及多次，見到價錢唔貴就去試下。飲品選擇唔少，晚飯時段仲買一送一，我地叫左玫瑰花冰紅茶同埋荔枝冰紅茶。玫瑰花味／荔枝味同茶味都好突出，冇話邊樣蓋過邊樣，甜度同冰度亦都岩岩好，真係幾有驚喜。鮮蝦扁意粉配羅勒蒜香微辣番茄汁一上檯時覺得份量好少，但一夾起原來都足夠分開兩份，扁意粉每條都掛汁，醬汁食得出蒜味、番茄味、羅勒味同辣味，好惹味，蝦亦都爽口，三扒兩撥好快清碟。意粉亦都有配餐湯同麵包，麵包係foccacia香草包，湯係羅宋湯，有西芹粒、甘筍粒、洋蔥粒等等。番茄水牛芝士薄餅呢度所有pizza都係用墨汁底，餐牌介紹話加入墨汁發酵產生化學作用，令口感更香脆，批底係比一般嘅薄批鬆脆，即使凍左都完全唔韌。芝士睇得出有兩款，白色嘅係水牛芝士，淡黃色嘅應該係mozzarella，芝士層非常之厚，都幾飽肚，好彩有番茄醬同車厘茄中和返，兩個人先岩岩好食得哂。我建議三個人share一個pizza，再加其他野食。黃金炒薯條喺黃金炒薯條同椒鹽薯條之間揀左前者，因為佢多左個廚師推介icon，哈哈 果然係好好味，每一條薯條都炸得外脆內軟，蛋黃味好香，有少少咸又有好輕微嘅甜，令人上癮
飲品選擇唔少，晚飯時段仲買一送一，我地叫左玫瑰花冰紅茶同埋荔枝冰紅茶。玫瑰花味／荔枝味同茶味都好突出，冇話邊樣蓋過邊樣，甜度同冰度亦都岩岩好，真係幾有驚喜。
鮮蝦扁意粉配羅勒蒜香微辣番茄汁一上檯時覺得份量好少，但一夾起原來都足夠分開兩份，扁意粉每條都掛汁，醬汁食得出蒜味、番茄味、羅勒味同辣味，好惹味，蝦亦都爽口，三扒兩撥好快清碟。
意粉亦都有配餐湯同麵包，麵包係foccacia香草包，湯係羅宋湯，有西芹粒、甘筍粒、洋蔥粒等等。
番茄水牛芝士薄餅
呢度所有pizza都係用墨汁底，餐牌介紹話加入墨汁發酵產生化學作用，令口感更香脆，批底係比一般嘅薄批鬆脆，即使凍左都完全唔韌。芝士睇得出有兩款，白色嘅係水牛芝士，淡黃色嘅應該係mozzarella，芝士層非常之厚，都幾飽肚，好彩有番茄醬同車厘茄中和返，兩個人先岩岩好食得哂。我建議三個人share一個pizza，再加其他野食。
黃金炒薯條
喺黃金炒薯條同椒鹽薯條之間揀左前者，因為佢多左個廚師推介icon，哈哈
果然係好好味，每一條薯條都炸得外脆內軟，蛋黃味好香，有少少咸又有好輕微嘅甜，令人上癮嘅程度比咸蛋魚皮更甚！我會單單為左呢個而再黎。
兩人埋單大約$350，價錢好相宜，亦都飽到甜品都食唔落了，下次先再試呢度嘅心太軟同埋蘋果金寶吧啦。
呢度服務亦都好好，侍應們都係後生仔女，快手快腳，好醒目。
張貼
