影片
更多
2024-10-25
245 瀏覽
話說我自己好想食和宴嘅燒肉套餐，一直都搵唔到機會食，因為最少都要兩個set，所以今次興起約朋友一齊去食。和宴喺尖沙咀入面算係比較高級嘅餐廳，一直都好想試，所以就趁住有朋友陪就試吓呢個日式放題啦！一去到已經見到長長嘅人龍walk in，好彩我哋已經早幾日打電話預約好午餐時段去食。座位方面好闊落，坐得都幾舒服。一開始先上前菜：特製和牛他他配麵包，海鮮煎餅同埋小沙律大部份前菜都切得好厚好大件，絕不孤寒！值得一讚。而且配埋醬汁一齊食好開胃。唔講唔知佢哋嘅和牛真係好好味！顏色呈淡淡嘅粉紅色，而且油脂都好豐富，食落去好香牛味！👍👍👍跟住就係主角和牛燒肉啦！和牛薄切牛板腱，和牛上牛排肉，和牛牛肩肉眼，薄切牛舌芯牛味都唔錯，入口即溶嘅口感，好鮮嫩，油脂分佈平均，燒出嚟香氣四溢，肉質腍甜。點埋蛋汁勁滑，唔使點用力咬已經可以吞落肚。可以請店員幫手燒，因為火喉控制得好好，唔會太生或者太熟。豬肉：五花肉豬肉嘅肉質真係好鮮嫩，中間層油脂比較豐富，燒完有驚喜，有別於一般五花肉，肉質好軟腍，肥瘦分明一層一層嘅特別口感，燒嘅過程鎖住肉汁海鮮：海老+原隻帆立貝海鮮方面入口即溶好鮮味而口入面仲留有海鮮香味滋味無窮，全部都
一去到已經見到長長嘅人龍walk in，好彩我哋已經早幾日打電話預約好午餐時段去食。
座位方面好闊落，坐得都幾舒服。
一開始先上前菜：
特製和牛他他配麵包，海鮮煎餅同埋小沙律大部份前菜都切得好厚好大件，絕不孤寒！值得一讚。
而且配埋醬汁一齊食好開胃。
唔講唔知佢哋嘅和牛真係好好味！顏色呈淡淡嘅粉紅色，而且油脂都好豐富，食落去好香牛味！👍👍👍
跟住就係主角和牛燒肉啦！
和牛薄切牛板腱，和牛上牛排肉，和牛牛肩肉眼，薄切牛舌芯
牛味都唔錯，入口即溶嘅口感，好鮮嫩，油脂分佈平均，燒出嚟香氣四溢，肉質腍甜。
點埋蛋汁勁滑，唔使點用力咬已經可以吞落肚。
可以請店員幫手燒，因為火喉控制得好好，唔會太生或者太熟。
豬肉：五花肉
豬肉嘅肉質真係好鮮嫩，中間層油脂比較豐富，燒完有驚喜，有別於一般五花肉，肉質好軟腍，肥瘦分明一層一層嘅特別口感，燒嘅過程鎖住肉汁
海鮮：海老+原隻帆立貝
海鮮方面入口即溶好鮮味而口入面仲留有海鮮香味滋味無窮，全部都整到好大一件，而且好嫩滑配埋檸檬汁更加提鮮
飲品：原味乳酸梳打,柑薑味汽水
兩款飲品都幾唔錯，酸酸甜甜的，好解膩！
甜點：黑糖珍珠雪糕
雪條好香好滑，為今餐劃上完美嘅句號。
總括嚟講我覺得今餐其實真係超值，大概$500港幣就可以食到咁豐富既一餐。
食物質素高質而且外觀都好精美。服務員收碟都收得快，呢個價錢食物同服務質素，完全冇投訴。
張貼
