影片
更多
2021-11-26
239 瀏覽
如癡如醉，所以再次光臨😆第一次幫襯渝痴漁醉竟然係係外賣平台度嗌。銅記送到灣仔，啲魚仍然係脆卜卜。當下就俾佢嘅豆花烤魚迷倒了。所以之後又同friend子到現場考察。果次就係試佢嘅放題，cp值勁高👍🏻由於對渝翁招牌豆花烤魚念念不忘，所以又再特登帶埋mala friend子去麻辣下。🏅 渝翁招牌豆花烤魚 🏅可以揀3款🐠: 桂花魚、清江魚、凌波魚。我哋揀咗凌波魚（因為嗰名好得意🤣)。需時15-20分鐘。凌波魚非常新鮮，肉質嫩滑，吸埋啲麻辣汁，係魔鬼與天使嘅混合！叫得做豆花烤魚，當然要有豆腐花。不過，呢度用左百福豆腐啲朋友～but equally good😋😋呢個招牌菜，亮點係個汁。對比起普通麻辣汁，佢嘅汁麻辣得黎，又帶住啲清新嘅味道。Mala Friend子話似係香茅味。就係多咗呢個清新味，成個感覺就升華咗，更加豐富同埋細膩。話雖如此，呢味菜仍然會辣到流鼻水🌶 不過，對於鍾意食辣野嘅朋友，呢個係屬於小小辣、多多趣嘅level😋👎🏻話說呢個招牌菜係以時價及原價計，我哋預期佢會如一般烤魚咁，有配菜。而我第一次叫外賣時，係有勁多唔用配菜，例如蓮藕、金菇等。點知今晚佢上菜嘅時候只係得條魚，貨式不似預期
第一次幫襯渝痴漁醉竟然係係外賣平台度嗌。銅記送到灣仔，啲魚仍然係脆卜卜。當下就俾佢嘅豆花烤魚迷倒了。所以之後又同friend子到現場考察。果次就係試佢嘅放題，cp值勁高👍🏻
由於對渝翁招牌豆花烤魚念念不忘，所以又再特登帶埋mala friend子去麻辣下。
🏅 渝翁招牌豆花烤魚 🏅
可以揀3款🐠: 桂花魚、清江魚、凌波魚。
我哋揀咗凌波魚（因為嗰名好得意🤣)。
需時15-20分鐘。
凌波魚非常新鮮，肉質嫩滑，吸埋啲麻辣汁，係魔鬼與天使嘅混合！叫得做豆花烤魚，當然要有豆腐花。不過，呢度用左百福豆腐啲朋友～but equally good😋
😋呢個招牌菜，亮點係個汁。對比起普通麻辣汁，佢嘅汁麻辣得黎，又帶住啲清新嘅味道。Mala Friend子話似係香茅味。就係多咗呢個清新味，成個感覺就升華咗，更加豐富同埋細膩。話雖如此，呢味菜仍然會辣到流鼻水🌶 不過，對於鍾意食辣野嘅朋友，呢個係屬於小小辣、多多趣嘅level😋
👎🏻話說呢個招牌菜係以時價及原價計，我哋預期佢會如一般烤魚咁，有配菜。而我第一次叫外賣時，係有勁多唔用配菜，例如蓮藕、金菇等。點知今晚佢上菜嘅時候只係得條魚，貨式不似預期。我哋無辦法，就唯有加錢，改為top up版放題，即係食特色烤魚嘅同時，又可以以自助餐形式食埋火鍋。
渝翁招牌豆花烤魚
$268
83 瀏覽
0 讚好
0 留言
👍🏻待應非常有禮，亦非常嚴謹執行防疫措施。
👍🏻放題嘅火鍋食材都齊全：有一串串嘅蝦同魷魚（雖然細隻，仍然可以滿足口癮）、各種丸、菜類、🍄⋯⋯仲有飲品同啤酒🍻任飲（酒精對friend子黎講好重要😆)
👍🏻小食炸魚糕出奇地高質！外面炸到脆卜卜，入面軟棉棉，有魚鮮味，極力推介😋
炸魚糕
2 瀏覽
0 讚好
0 留言
👎🏻地方有啲窄，尤其係客人需要到食物區攞嘢食，要非常小心。不過，係寸金尺土嘅香港，大家都訓練有素㗎啦。香港人，能屈能伸😌
👎🏻90分鐘放題有啲趕。都係嗰句，趕係香港人嘅日常🏃🏻♂️🏃🏼🏃🏻🏃🏼🏃🏽♂️無嘢嘅，鬼叫佢咁受歡迎咩😌我6:30入座，舖頭已經就嚟full晒。去到我埋單時，門口仲有好多客等緊位。
🍻離開嘅時候，意猶未盡。無他嘅，有咩爽得過麻辣火鍋加啤酒？但醉翁之意，又何嘗只在酒呢？🍻
張貼
