炊豕店 (威靈頓街) (已結業)

中環返工，度度食飯都幾貴。呢間就價錢適中， 地方簡潔，上班族食lunch不錯既選擇。我地叫咗個大板燒豬扒飯，咖喱豬扒飯，蔥油豬扒飯，個個賣相都吸引。食落真係要讚一讚塊豬扒，真係又鬆軟又好食，仲要大大塊。 👍👍👍大板燒個汁幾好味，唔喊，撈飯一流。而蔥花嗰個幾香，鍾意食蔥嘅人一定會覺得係最好嘅配搭。簡單嘅配搭先可以食得出豬扒嘅原汁原味。反而咖喱汁就比下去了，同平時嘅咖喱味唔同，而且少少辣味都冇。不過份量都算多，我地個個都食唔晒碗飯。大板燒豬扒飯係限定，要食就襯早喇。整體而言，值得一試！