上海弄堂菜肉餛飩 (電氣道)

營業中

休息中

今日約咗朋友食好耐未食過的上海菜， 揀咗天后的上海弄堂。店內唔算大， 枱櫈有點迫，幸好店員服務殷勤有禮 ，都比到位置同張凳我放包包。牆上懷舊上海照， 勾起我以前上海旅行的回憶 。小籠包四隻熱辣辣上場，即叫即蒸，皮薄同餡料豐富，多肉汁，好juicy，唔錯弄堂菜肉餛飩我心諗鋪如其名應該係招牌菜。果然八粒大大隻， 餡料足， 菜同肉比例適中。 湯底唔會太肥膩，清清地幾啱我口味。擔擔麵我叫咗小辣，麵質幼滑， 整體湯底味道可以， 不過我覺得配料方面可以落足啲例如花生和肉碎多一點，就更加好了。上海炒年糕配料有肉絲同椰菜， 好有家鄉風味，而年糕質感帶淋身，綿軟嗰種， 吸收了濃濃的醬汁 好入味。