一幻拉麵 (已結業)

夜晚約左老公睇戲，未夠鐘睇戲，所以睇戲前黎個early dinner，快食拉麵喺中環呢個物價咁高嘅地方黎講真係算係唔錯嘅選擇。價錢唔算太貴，但質素非常之好，疫情冇得去日本黎，黎一幻食個招牌蝦湯拉麵真係可以一解思鄉之苦！🫠🫠🫠平時lunch time都比較多人，6:30pm呢個時間唔洗等位直接有得入去食。環境：燈光光猛，位算寬落，坐得都算係舒適。員工：正常有禮。食物：招牌蝦湯拉麵真係好得，沾面就麻麻。。招牌蝦湯拉麵，超級好味，食過真係返唔到轉頭。佢上面果啲蝦碎無得頂，我未撈湯前就咁食，食到停唔到口，但係都要留啲用黎撈下湯嘅。。餃子就不過不失啦沾麵，我地兩個人食，諗住一個湯麵一個沾麵。沾麵真係麻麻，本身唔係好夠味，再食完個招牌蝦湯拉麵先食佢就覺得唔太ok了。