成興大排檔

營業中

休息中

尖咀睇完戲，我地決定行去廟街搵好食！ 天氣真係好熱，我愈行愈攰，去到廟街一句說話都吾想講。由男朋友發板，叫左海鮮炒飯同薑蔥魚腩飯。聽落都夠佬味，人太攰，都吾理得甘多，何況我同佢口味差吾多，所以信得過佢。先嘗海鮮炒飯，鑊氣呢樣嘢真係一試就知真假！飯好香，海鮮包括蝦、魷魚都好嫩，加左吾少菜落去炒，感覺吾會太口乾。薑蔥魚腩香口，薑、魚腩有炸過，所以有焦香味，加上蔥快炒，令肉質吾會太老，吾錯。當然，去到甘夜，人地吾會拎新鮮魚去炸，所以欠缺左嫰滑口感，但整體接受到。