惠 (已結業)

其實我都食過幾間嘅omeakase但都係覺得不過不失，冇一間係令我好想再去食嘅衝動。但呢間係我一食完已經好想再book位食!!! 今次就重點推介我最想再食嘅嘢~首先，魚類有二款。鮟鱇魚肝配魚子醬配鱈魚片，鮟鱇魚肝第一次聽同食口感係淋淋地而鱈魚片就係零食咁，係脆身再配埋鮮子醬真係好鬼正！！而第二個真係好想再食就係銀鱈魚配黑松露醬，銀鱈魚入口即溶仲要油脂味係極香再配埋我的至愛黑松露醬真係贏晒!!然後，就係生蠔同海膽！生蠔好新鮮配上酸汁同紫菜真係冇得頂！而且食落一啲都唔腥係有甜味！海膽係白海膽，好厚身同味道好creamy ，師傅話呢種好岩用黎整壽司！