影片
更多
2022-06-18
1252 瀏覽
聽朋友講元朗有位出色經驗豐富嘅師傅，最近去咗北角既一間新開既Omakase. 搭地鐵步行約五分鐘就到了！小舖只有十個座位，全部食材由揀選到處理均由馮師傅一手包辦！日日飛機直送新鮮食材，確保不時不食！由於小店關係，師傅相對可以有較多時間同我地互動，師傅亦非常友善，每度菜都講得好詳細！當晚共有21道菜，前菜：1. 四款漬物全是自家醃製，有紫薑、大蒜、牛蒡和蘿蔔2. 岩手縣真蠔配啫喱汁，爽甜爽口肥美3. 師傅秘制既北海道鮟鱇魚肝，師傅話要細細啖咁去食，好似食雪糕咁，味道好鮮甜幼滑，呢種味道應該係第一次食到！4. 右口魚刺身，魚背配酸汁一齊食，肉質爽甜，群邊位爽得黎帶淡淡既魚油香味！5. 火炙河豚白子配壽司飯真係好難忘，師傅話要將白子輕輕拉開配壽司飯一齊食，白子經過火炙後好幼滑，口感好似食緊意大利飯咁，但果陣白子既鮮味係難以形容！6. 麻葉昆布高湯，主要幫我地清下腸胃，麻葉既作用好似把掃帚咁，將我地腸胃既垃圾掃清，作用同納豆差唔多，納豆未必人人接受到，但呢個唔同，好清甜，連湯都可以飲埋。7. 櫻煮慢煮八爪魚，煮之前一小時要幫八爪魚按摩，要一啖放入口慢慢咀嚼，八爪魚煮得非常軟熟，味道帶甜，又係連
當晚共有21道菜，前菜：
1. 四款漬物全是自家醃製，有紫薑、大蒜、牛蒡和蘿蔔
2. 岩手縣真蠔配啫喱汁，爽甜爽口肥美
3. 師傅秘制既北海道鮟鱇魚肝，師傅話要細細啖咁去食，好似食雪糕咁，味道好鮮甜幼滑，呢種味道應該係第一次食到！
4. 右口魚刺身，魚背配酸汁一齊食，肉質爽甜，群邊位爽得黎帶淡淡既魚油香味！
5. 火炙河豚白子配壽司飯真係好難忘，師傅話要將白子輕輕拉開配壽司飯一齊食，白子經過火炙後好幼滑，口感好似食緊意大利飯咁，但果陣白子既鮮味係難以形容！
6. 麻葉昆布高湯，主要幫我地清下腸胃，麻葉既作用好似把掃帚咁，將我地腸胃既垃圾掃清，作用同納豆差唔多，納豆未必人人接受到，但呢個唔同，好清甜，連湯都可以飲埋。
7. 櫻煮慢煮八爪魚，煮之前一小時要幫八爪魚按摩，要一啖放入口慢慢咀嚼，八爪魚煮得非常軟熟，味道帶甜，又係連湯飲埋😋！
8. 鮑魚配鮑魚肝醬壽司飯，鮑魚烹調後冷藏十五日，秘制鮑魚肝醬配壽司飯，先食鮑魚，然後將鮑魚肝醬跟飯混好一齊食，最後食埋塊新鮮蓮子葉清一清口腔，又可以繼續其他美食！
9. 魚肉大蜆昆布蝦頭湯，魚肉把大蜆蓋住來煮可以將蜆肉鮮味鎖住，保持蜆肉既嫩滑，啖啖肉，配埋個用蝦頭昆布去餚成既湯底，非常清甜，湯面有幾小塊三葉，味道好清新！
壽司環節，一共有6六款，由淡口魚開始，包括：
10.池魚壽司
11.金目鯛壽司
12.真鯛壽司
13.活赤貝壽司，爽甜度滿分💯！
14.北海道活帶子壽司，師傅用特別刀法去令帶子吃起來鮮甜但又唔會有漏既感覺。
15. 最後一款壽司當然係大拖羅，入口即溶是常識吧！🥰
16. 再來係熟食了（心諗點解咁多野食😱）櫻花蝦赤貝茶碗蒸，一睇就知好嫩滑！
17. 第一次食到北海道生粟米“超甜爆汁“，啲汁多到好似食緊雪梨咁。🤭
18. 北海道紫海膽，有一定水準，海膽同飯既比例係9:1😏
19.跟住係傳統做法既玉子燒，師傅話係喜慶日子先有得食架，第一次食，蛋香味又甜甜地，好似食緊蛋糕咁👍
20. 最後一道熟食係最新菜品，龍蝦天婦羅配飛魚籽醬，香口得黎食到龍蝦肉非常鮮甜彈牙！
21. 日本蜜瓜/芝士豆腐蛋糕/橙果凍，蛋糕質感似布甸，好幼滑，芝士味唔會太濃，洽到好處。香橙果凍好清新，為呢餐劃上完美句號！
師傅話下次再來會有新野比我地食，但叫我地要預早訂位！好期待😚
張貼
