韓珍 (寶勒巷)

營業中

休息中

由入門口開始體驗已經好一般，接待那位理論上識聽廣東話，我用廣東話講電話、貴姓，幾位等等，佢望一望個list 然後講咗一句說話同行3位都聽唔到佢講咩….佢再用手指向一個方向，我哋見到已到嘅朋友先知有人到咗。😓到搵人落單 枱面有個call service制，㩒咗幾分鐘後都冇人應，唯有舉手搵人幫手落單，舉咗5分鐘終於剛剛那位接待處小姐行過嚟，我哋一開始用廣東話講，佢用英文講sorry?? I don’t know Chinese. 然後我哋用英文講，佢又係一頭霧水咁，最後用最原始方法：看圖識字！但結果都係有落錯單嘅情況。另外醬油蟹嗌咗2隻for 4人食，只係俾2隻手套。埋單$1294，老實講4人食醬油蟹+燒肉呢個價錢係普普通通，唔貴又唔係平。因為份量相對係少，重點係味道好一般。睇食評咁多好評，原本有期望，係媽媽生日 佢話想食韓國嘢，結果失望而回。