天外天

環境唔錯，分咗幾間房，每間房都唔會太多枱，所以環境都算安靜唔會感覺好嘈。燈光比較昏暗，有情調，但要影食物相嘅就要打燈。今次叫咗片皮鴨套餐，頭盤有帶子、鮑魚、燒肉，整體嚟講中規中矩。第二道菜就已經係套餐入面主菜片皮鴨，賣相一般，望落同坊間個啲都有啲唔同，外皮睇落同食落都唔香脆。同一時間，餅皮都比較厚，嗰陣一塊餅皮，一塊鴨咁樣食，基本上食唔到鴨皮嘅油香。作為片皮鴨套餐入面嘅主菜，係幾令人失望接住落嚟嘅蟹肉羹、龍躉斑件都唔錯，蟹羹嘅蟹味濃郁而且冇殼粹; 龍躉都非常鮮味。甜品前最後一道菜就係炒飯，冇咩特別驚喜，亦都冇失望，水準平平。甜品有驚喜，石榴甘露香甜可口，可以話用佢嚟收尾，都為餐廳保留返少少分數。