鐵板燒紗舞縭 (已結業)

自從被弟弟帶去台灣食鐵板燒後， 屋企人就愛上了， 不過屋企附近無有水準的鐵板燒店😧昔日太古城food court 的鐵板燒店水平都只是一般， 不過連佢執左後， 附近就再找不到鐵板燒啦！行吉之島時， 發現了它， 媽咪立即話要試， 所以是日晚餐就這間啦！😁在完全無指示下，以為好像太古城嗰間， 排隊有空位就可以坐， 食完埋單， 點知話要去排隊俾左錢先再安排入坐😧終於俾完錢排隊等到位， 可惜那張櫈實在太高了， 我地個子矮小的人， 出盡「洪荒之力」才爬到上去， 全程侍應生都當睇唔到😓😓我地點了4餸的鐵板燒餐： 鮮蝦炒西芹、香蒜黑椒汁煎鴨胸、香煎龍脷柳、香蒜豬扒坐定定就已經送上西湯同餐包連牛油， 湯同包無特別， 不過牛油加了蒜， 蒜味重接著送上一碟炒芽菜韮菜， 好苦， 以為食錯， 不過食到一半就發現原因啦😨碟底一大堆黑油百思不解， 為何呢？一望去鐵板就知啦！深黑色的， 師傅只是鏟一鏟，用布抹一抹就算， 塊鐵板還是黑柒柒的，好恐怖呀！😨😨鮮蝦炒西芹:以為用水煮， 芡水過多， 蝦是冷藏的、西芹似菜頭菜尾香蒜黑椒汁鴨胸:鴨胸煎得過老、咬極都咬唔開，香蒜一早預備， 已經唔香唔脆， 黑椒汁ok香煎龍脷柳:得