影片
更多
2012-06-14
319 瀏覽
同好朋友食生日飯. 呢間餐廳之前我地已然去過,覺得野食都ok所以再去.咁朋友預先打電話去book 枱,仲講定想坐sofa 或者入d嘅枱.點知去到佢叫我地坐向門口張細枱,張枱係細度1人放1碟主菜都好迫咁.我地有同店員講叫佢有第2張闊d嘅枱就幫我地轉.之後真係見到sofa張枱d人走. 我地仲以為佢會過來叫我地搬過去啦... 點知原來佢係俾另外1男1女嘅.唉...本來我地打算向呢度食飯飲野直落. 但坐向門口仲要咁迫, 唯有快d食快d走.講返野食先, 我叫左佢地個主菜咁加錢就有湯或沙律同埋咖啡茶.我地都係揀湯同埋野飲.是日餐湯係磨菇湯.一試個湯真係...唔ok好似有d膠味咁...好難飲.朋友叫左個ristto, 都ok嘅同平時差不多.我叫左個牛肉千層麵...可能要焗啦所以好耐都未嚟. 朋友都差不多食完個飯我果個先到.味道都係一般, 無咩驚喜.之後我地叫野飲,店員話得咖啡茶or $24之下嘅野食飲.其他要補返個差價.我地2個都揀左加錢飲荔枝薑蜜,因為天氣都幾熱,所以我地都係要凍荔枝薑蜜.個店員同我地講...如果要凍呢, 個味會啖D...你地O唔OK呢?咁我地問佢點解會咁, 佢話因為份量嘅問題..
咁朋友預先打電話去book 枱,仲講定想坐sofa 或者入d嘅枱.
點知去到佢叫我地坐向門口張細枱,張枱係細度1人放1碟主菜都好迫咁.
我地有同店員講叫佢有第2張闊d嘅枱就幫我地轉.
之後真係見到sofa張枱d人走. 我地仲以為佢會過來叫我地搬過去啦... 點知原來佢係俾另外1男1女嘅.
唉...本來我地打算向呢度食飯飲野直落. 但坐向門口仲要咁迫, 唯有快d食快d走.
講返野食先, 我叫左佢地個主菜咁加錢就有湯或沙律同埋咖啡茶.
我地都係揀湯同埋野飲.
是日餐湯係磨菇湯.
一試個湯真係...唔ok好似有d膠味咁...好難飲.
朋友叫左個ristto, 都ok嘅同平時差不多.
我叫左個牛肉千層麵...可能要焗啦所以好耐都未嚟. 朋友都差不多食完個飯我果個先到.
味道都係一般, 無咩驚喜.
之後我地叫野飲,店員話得咖啡茶or $24之下嘅野食飲.其他要補返個差價.
我地2個都揀左加錢飲荔枝薑蜜,因為天氣都幾熱,所以我地都係要凍荔枝薑蜜.
個店員同我地講...如果要凍呢, 個味會啖D...你地O唔OK呢?
咁我地問佢點解會咁, 佢話因為份量嘅問題...咁我地就叫佢...你可以加返多少少份量向凍果度咪OK囉.
店員話"唔得架喎,我地係有FORMULA架唔可以加減"...我心諗一杯野飲姐咩FORMULA呀...不過都冇同佢糾纏...我地話OK啦!
點知杯野出到來, 一飲...嘩!! 成杯薑水咁仲要係辣喉果隻...
飲左2啖我個喉嚨好似火燒咁熱.最後唯有放棄. 埋單走人.
呢間餐廳,我地應該唔會再去了.
張貼