泰屋 (已搬遷) 新店位置

朋友生日, 聽聞呢間唔錯特登來試一試。因為沒有事先訂位所以先在外面睇menu, 雖然是飯點但人不算多, 明明有位還是等了近20分鐘。等候其間我們要了落單紙寫單, 入坐之後便遞給waiters落單, 等咗好耐都唔見上菜, 催極都冇。半個鐘之後才有人拿著單來問是不是我們下的, 原來waiter沒寫枱號, 令人憤怒, 浪費時間。之後上菜算快, 但食物質素著實一般, 對不起這個價格。冬蔭公海鮮湯偏辣一點, 味道還不錯。豬頸肉沙律, 開胃爽口。泰式特飲, 一般。菠蘿海鮮飯味道並不好, 沒有菠蘿的酸甜味, 連普通餐廳都不如。咖哩焗海鮮, 淡而無味, 海鮮得幾丁。還點了咖哩羊肉, 咖哩味道還可以。 但 ! 是 ! 沒有一點羊味! 所謂羊肉吃起來像牛肉, 令人懷疑。最差當屬生菜包 ! 點牛肉包告訴我們沒有牛肉便轉雞肉, 雞肉味道十分奇怪, 又鹹, 入口咬果下仿佛感受到雞飼料陣味, 總之就是不新鮮的感覺。由於店內燈光過暗, 令食物睇起身唔够吸引, 沒有拍照的慾望。本想開開心心食一餐生日飯, 結果太讓人失望。貴且唔好食, 以後不會再來。