影片
更多
2021-07-30
324 瀏覽
話說最近知道譚仔係蘭桂城附近開咗分店，呢間譚仔主打嘅特式係有啤酒同伴酒小食。咁特別，作為譚仔三哥粉嘅我一定要出嚟會一會呢間三哥。星期五嘅下午約咗一班三五知己到達食店。一行五人嘅我地，可以叫晒咁多款特式小食。先講餐廳環境，同平時食開譚仔係唔同呢間分店用咗霓虹燈去打造型格風。可以比大家打打卡。串燒係呢間分店至有得食，所以我地都無理咁多。每串串燒都叫一串嚟試下。分別有串燒辣串翠玉瓜，香辣煙腩卷，椒汁香草肥牛卷同埋香辣烤菇。另外亦都有叫香烤芝脆豆腐餅，土匪雞翼，蒜泥白肉同豬耳。米線方面我地試咗新嘅糊麻湯魚爽肚米線。我自己點咗麻辣中辣，而同行朋友點咗蕃茄湯底。朋友亦都有試香橙柚子乳酪梳打。特別值得一提嘅係，米線食材可以加龍蝦丸，肥牛同墨魚仔。呢三個餸係中環店限定，其他分店食唔到嘅。等咗一陣，小食陸續上枱。串燒方面我地一致認為烤菇係最出色。其他串燒就比較失色。唔算難食但亦都唔會話好食。香烤芝脆豆腐餅真心好差。上面個層一夾就散晒，反轉個底嚟睇。燶晒。魚爽肚米線。芥末魚籽鱈魚滑豆卜，我地食辣都仲食得出有芥末味同味道正常，但食蕃茄湯底朋友就表示有陣怪味，可能我地食辣已經掩蓋咗個陣怪味。魚爽肚都夠爽口。最
話說最近知道譚仔係蘭桂城附近開咗分店，呢間譚仔主打嘅特式係有啤酒同伴酒小食。咁特別，作為譚仔三哥粉嘅我一定要出嚟會一會呢間三哥。星期五嘅下午約咗一班三五知己到達食店。一行五人嘅我地，可以叫晒咁多款特式小食。先講餐廳環境，同平時食開譚仔係唔同
呢間分店用咗霓虹燈去打造型格風。可以比大家打打卡。串燒係呢間分店至有得食，所以我地都無理咁多。
每串串燒都叫一串嚟試下。分別有
串燒辣串翠玉瓜，香辣煙腩卷，椒汁香草肥牛卷同埋香辣烤菇。
另外亦都有叫香烤芝脆豆腐餅，土匪雞翼，蒜泥白肉同豬耳。米線方面我地試咗新嘅糊麻湯魚爽肚米線。我自己點咗麻辣中辣，而同行朋友點咗蕃茄湯底。朋友亦都有試香橙柚子乳酪梳打。特別值得一提嘅係，米線食材可以加龍蝦丸，肥牛同墨魚仔。呢三個餸係中環店限定，其他分店食唔到嘅。
等咗一陣，小食陸續上枱。串燒方面我地一致認為烤菇係最出色。其他串燒就比較失色。唔算難食但亦都唔會話好食。
香烤芝脆豆腐餅真心好差。上面個層一夾就散晒，反轉個底嚟睇。燶晒。
魚爽肚米線。芥末魚籽鱈魚滑豆卜，我地食辣都仲食得出有芥末味同味道正常，但食蕃茄湯底朋友就表示有陣怪味，可能我地食辣已經掩蓋咗個陣怪味。魚爽肚都夠爽口。
最後朋友表示香橙柚子乳酪梳打。得個甜字，完全飲唔出有香橙同柚子嘅味道。
整體嚟講，山長水遠出到中環食譚仔係為咗中環店限定嘅串燒，但略嫌有啲失望，我都係去返屋企附近嘅譚仔三哥食算。
張貼
