影片
更多
2021-11-24
85 瀏覽
美孚喺我心入面一直都係美食沙漠，但估唔到原來有一間隱世omakase餐廳！性價比仲要好高！我同老婆分別叫左一個Omakase餐同一個壽司10貫餐，價錢比同類型餐廳係較抵，但估唔到佢哋服務真係好周到。師傅喺你面前整就基本啦，仲會好細心咁問我地有咩唔食，同好詳細咁同我地解釋每一件壽司刺身嘅產地，同點解佢會選擇用某個方法去料理/調味。👍🏻而且師傅好有親和力，唔會好似之前我去過一間都幾出名嘅omakase師傅咁擺起一副高高在上嘅態度去應付客人。對我黎講，omakase食物質素固然重要，但其實師傅態度, 技巧, 服務同埋與客人既interaction係omakase最緊要既一part！👍🏻講番食物方面，定食有沙律、前菜、茶碗蒸、刺身、壽司、麵豉湯同甜品，依啲基本嘢一樣都唔會少，佢地嘅漬物食得出係高級貨，問下師傅先知原來佢地揀咗一款貴價漬物比客人食，依啲細節位都做得好，果然唔錯！刺身 - 整體黎講刺身質素高，新鮮無雪味，厚度適中，而且一定係不時不食。特別一提係老婆個omakase set 有件肥美拖羅但我個壽司10貫餐無既, 而我又好想試, 師傅好貼心咁將件刺身一分為二, 我同老婆都可品嚐到拖羅既
我同老婆分別叫左一個Omakase餐同一個壽司10貫餐，價錢比同類型餐廳係較抵，但估唔到佢哋服務真係好周到。
師傅喺你面前整就基本啦，仲會好細心咁問我地有咩唔食，同好詳細咁同我地解釋每一件壽司刺身嘅產地，同點解佢會選擇用某個方法去料理/調味。👍🏻
而且師傅好有親和力，唔會好似之前我去過一間都幾出名嘅omakase師傅咁擺起一副高高在上嘅態度去應付客人。對我黎講，omakase食物質素固然重要，但其實師傅態度, 技巧, 服務同埋與客人既interaction係omakase最緊要既一part！👍🏻
講番食物方面，定食有沙律、前菜、茶碗蒸、刺身、壽司、麵豉湯同甜品，依啲基本嘢一樣都唔會少，佢地嘅漬物食得出係高級貨，問下師傅先知原來佢地揀咗一款貴價漬物比客人食，依啲細節位都做得好，果然唔錯！
刺身 - 整體黎講刺身質素高，新鮮無雪味，厚度適中，而且一定係不時不食。
特別一提係老婆個omakase set 有件肥美拖羅但我個壽司10貫餐無既, 而我又好想試, 師傅好貼心咁將件刺身一分為二, 我同老婆都可品嚐到拖羅既脂膏豐腴，老婆讚不絕口！
當中仲有好幾款壽司都好想特別讚賞一下：
白甘鯛壽司：本應係一款淡魚味既刺身魚，但唔知點解食落口有種微微既回甘味，層次相當豐富，師傅特登唔出聲，等我試完先問我係咪食到微微既果香味，的確係！聽師傅講，原來係因為依款魚用特別飼料餵飼，所以先會有微果香！
銀雪魚壽司：燒銀雪魚油香足就大家都知，但師傅特別用新鮮七味粉微微咁調味，比一般支裝既七味粉香更多，而且唔會得個辣字，同銀雪魚配合得好好。
腦天壽司：大中細拖羅真係一般連鎖壽司店都有我食，但我敢肯定吞拿魚腦天真係好少地方有😲師傅話我地知腦天係吞拿魚頭既肉，油份豐富，魚味十足，筋位少，師傅微微燒一燒腦天去迫出油份，再配上炸過既日本京蔥絲，可能因為產地關係，蔥絲味道唔會過重，微微蔥香更加帶出到腦天既魚味，係全晚我最愛既壽司！🤤
秋刀魚壽司：師傅發辦嘅原意其實就係比師傅選擇當造嘅魚比食客，秋刀魚就係秋刀最佳嘅魚，魚脂特別豐厚，質感濃郁。師傅將表面微微燒香，激起清爽帶油香的滋味。再搽上少少醬汁，加埋少少新鮮嘅青蔥同薑，令秋刀魚味道更富層次感，一試難忘！老婆話好味到想喊😂
一如我上面提到 ，其他刺身質素都好出色，好似海膽夠多又夠鮮，omakase套餐刺身丼足料又高質（又有海膽呀！），燒左口魚夠香又夠油。
10貫壽司餐仲要配烏冬，真係無辦法一一數盡，甜品都係自家制，甜度適中，為美好既一餐畫上一個好好既句號。
張貼
