影片
更多
2020-02-20
255 瀏覽
搭親行人扶手電梯都會見到呢間Cafe，但次次都無暇入去幫襯。適逢最近返工時間比較彈性，所以上晝返完工，下晝就嚟試下☺️。咖啡店最Eye-catching係佢幅壁畫同玫瑰造型雪糕🌹。除咗雪糕外，呢到其實仲有All Day Brunch食，主要係麵包類🍞同意粉🍝。我要咗Avocado Toast w/Dukkah($110)，造型超靚，望落有啲搞笑，因為花係綠色，葉就係紅色😂。牛油果份量超多，而且廚師勁好心機咁切片砌咗朵花出嚟，真係不得了。味道都唔錯，桃紅色嘅醬係紅菜頭鷹嘴豆泥(Beet Hummus)，夾埋牛油果🥑食都幾夾，而且仲有啲海鹽同開心果碎(Pistachio Dukkah)吊味。多士係用上Sourdough Bread，一啲都唔硬，有兩大塊，食完飽哂。不過我食唔慣全素，下次都係加煙三文魚先🙈。飲品我要咗Barista Signatures嘅Rose Latte☕️($50)，上面個拉花幾靚，有啲玫瑰花瓣碎點綴，飲落唔甜，都OK；不過我略嫌玫瑰味唔夠出🤔。題外話，餐廳幾好會放多杯水喺飲品旁邊俾客人。食完正餐，我就梗係要食埋甜品啦😋。我揀咗3 Flavours Handcrafted
搭親行人扶手電梯都會見到呢間Cafe，但次次都無暇入去幫襯。適逢最近返工時間比較彈性，所以上晝返完工，下晝就嚟試下☺️。
咖啡店最Eye-catching係佢幅壁畫同玫瑰造型雪糕🌹。
除咗雪糕外，呢到其實仲有All Day Brunch食，主要係麵包類🍞同意粉🍝。
我要咗Avocado Toast w/Dukkah($110)，造型超靚，望落有啲搞笑，因為花係綠色，葉就係紅色😂。牛油果份量超多，而且廚師勁好心機咁切片砌咗朵花出嚟，真係不得了。味道都唔錯，桃紅色嘅醬係紅菜頭鷹嘴豆泥(Beet Hummus)，夾埋牛油果🥑食都幾夾，而且仲有啲海鹽同開心果碎(Pistachio Dukkah)吊味。多士係用上Sourdough Bread，一啲都唔硬，有兩大塊，食完飽哂。不過我食唔慣全素，下次都係加煙三文魚先🙈。
飲品我要咗Barista Signatures嘅Rose Latte☕️($50)，上面個拉花幾靚，有啲玫瑰花瓣碎點綴，飲落唔甜，都OK；不過我略嫌玫瑰味唔夠出🤔。題外話，餐廳幾好會放多杯水喺飲品旁邊俾客人。
Handcrafted Gelato Rose
$78
6 瀏覽
0 讚好
0 留言
食完正餐，我就梗係要食埋甜品啦😋。我揀咗3 Flavours Handcrafted Gelato Rose🍨($78)。我記得我幾年前去巴黎嗰陣，專登去Amorino搵嚟食，估唔到無幾耐之後香港都有得食！店員姐姐好厲害咁三兩下手勢就整咗朵花出嚟。
呢到嘅雪糕全部都係手造，全天然成份，無添加人工色素👍。口味有成十種選擇，包括檸檬、白桃、芒果、玫瑰、士多啤梨、薰衣草、開心果、雲呢拿、榛子同朱古力。
Handcrafted Gelato Rose
$78
18 瀏覽
0 讚好
0 留言
Handcrafted Gelato Rose
$78
2 瀏覽
0 讚好
0 留言
由於個雪糕太令人心花怒放，所以忍唔住影多幾張相📸。
環境方面，咖啡店感覺都幾Chill，雖然對正繁忙嘅行人扶手電梯，但入咗舖之後完全係另一番風情。今日有啲陽光，我坐喺吧枱窗口位，好舒服好放鬆😌。如果唔係有嘢做，我應該可以坐喺到放空大半日。不過下面間舖裝修緊，所以都有啲嘈。
總括嚟講，呢間打卡店都唔係單單得個樣嘅，食物味道都ok，但定價有少少偏貴啦，就咁飲杯咖啡可能會抵啲，或者食個甜品都係一個好選擇😜。
張貼
