Burgerman (欽州街) (已結業)

今日去開黃金嗰頭買game ，見有啲肚仔餓喎， 咁就 check下有啲咩好嘢食 ，見到有間漢堡包店叫 burgerman， 咁就試下新嘢啦 ，入到間店其實都好外國feel 好似我之前喺歐洲度買漢堡包咁樣!因為其實我唔係太想食太多牛肉， 咁我就叫咗個漁夫之堡🐟🍔， 同埋加咗少少錢轉咗套餐， 套餐有薯條🍟同埋汽水。個漁夫之堡其實都好有驚喜，條魚塊其實都好香脆同有魚嘅鮮味， 起碼堅係食到有魚味， 唔係雪藏味。 完全唔同嗰啲快餐魚柳包， 很喜歡他們有埋番茄同生菜，係完全唔同level! 至於佢哋個薯條， 因為啱啱炸好， 同埋薯條的quality同層次， 唔同快餐嗰啲薯條。 好有外國嗰啲薯條嘅味道。 因為其實有時係香港都未必食到外國嗰啲魚柳包同埋薯條嘅風味， 但今日竟然畀我試到。 仲有唔好以為喺深水埗食嘢就冇service， 店員都非常有耐性同埋都會介紹返有咩好食，非常Nice。 店主亦都好細心預備埋手套畀你揸住個漢堡包食! 所以呢間嘢係絕對值得推介!😋