ethos (山道) (已結業)

今日同朋友需要一個靜靜地嘅地方傾計，所以就來到位於西環堅尼地城山道嘅ethos。呢一帶環境寧靜，入黑後更係人煙稀少，氣氛悠閒舒適，係適合靜靜地聊天嘅好地方。咖啡店裝潢走簡約設計，原始嘅水泥外牆、地板配上木製餐枱、鐵製高腳椅，簡簡單單，和諧又搭調。Honey coffee (hot) $40平日最怕咖啡苦澀味道的我選了honey coffee，甜甜的蜜糖味中和了苦澀的咖啡味，質感香滑，個人挺喜歡。Seafood risotto $138(Cooked with daily selected fresh seafood)主食就揀左海鮮意大利飯，配料有海蝦、帶子、青口、魷魚等，非常豐富。而份量亦不少，一個女仔食覺得好飽。最欣賞係飯粒煮得恰到好處，口感煙韌有咬口，更充份吸收海鮮湯嘅精華，好鮮味！各款蛋糕都好吸引，可惜太飽，下次再來一定會試吓。臨近聖誕，店內有售聖誕咭及造型精緻嘅聖誕甜品，收益作慈善用途。呢間咖啡店彷彿遺世獨立，有令人不自覺地放慢腳步嘅魔力，真係羨慕香港大學嘅學生，有咁舒適寧靜嘅「避世之處」呢。