蟲二

營業中

休息中

「蟲二」名字又特別又可愛，令人一聽就記得。餐廳位於旺角人流中心地帶嘅全層頂樓。鋪面前後都有小花園，佈置用心，清新自然格調，令人感覺療癒。🍲大根炆燉牛腩湯烏冬（$110）- 牛腩炆得入味，調味配搭講究，味道有層次。牛腩經過慢火烹調，肉質夠稔。烏冬滑嘟嘟而且Q彈。有三片蓮藕漬物伴碟，酸酸甜甜，可解除牛腩油膩感，甚有驚喜。🥞伯爵茶麻薯傳統班戟（$98）- 打卡度超高📸班戟厚身鬆軟，入口有陣陣伯爵茶香味，中間有煙靭嘅麻薯，配上雲呢拿雪糕，新鮮水果，燕麥片，微微燒過嘅焦香，多重口感，好值得一試。🍵綠茶伯爵茶（$55）伯爵茶採用德國煎茶，茶香誘人，順喉回甘。熱茶用別緻嘅茶壼裝住，富有典雅感。🍹冷泡水果茶（$55）口感微甜微酸，充滿清新水果香氣，混合茶香，最適合炎炎夏日用嚟解渴。餐廳食材新鮮，配搭花心思，盡顯廚師嘅創意及廚藝。食客一邊品嘗美食嘅同時亦都可以欣賞綠油油嘅花園景色，短暫離開煩囂。「蟲二」的確係一個放鬆心情嘅好地方。