影片
更多
2010-11-03
28 瀏覽
天氣轉涼, 拿拿淋約埋屋企人去打暖鍋, 但又唔想食來食去都係個間咁悶, 聽人講雞地有間新開火鍋店就胆粗粗去試新野通常對新嘗試都無咩大期望, 因為多數都是失望收場, 但呢間店又真的給了我們一個驚喜！7點到去到人不多可以坐正响電視前面追埋劇, 地方唔算太大, 眼見有九張細枱加一張大枱, 好似仲有兩間vip房, d員工都幾有禮貌, 一坐低就有人黎招呼.鍋底有成十款左右, 好想試個豬手豬骨煲但呢款無得雙併, 最終叫左家姐至愛麻辣併鮮魚湯鍋. 一開頭試左啖魚湯,奶白色湯好鮮味. 叫左隻象拔蚌刺身都好大隻, 仲要係條切, 嘩, 無得頂！平時同班friend食最多每人得兩三舊, 今次放正响我前面多多都食得晒啦！食食下周不時有幾位男士走過來招呼, 其中一位仲攞左碟椒鹽東東過來, 原來佢話叫廚房炸左條象拔蚌胆俾我地, 真係估佢唔到喎, 唔錯唔錯！仲有我地嫌個麻辣湯唔夠辣, 佢都親自加左碗辣油給我地.肥牛有好幾款, 不過一向好牛的姐夫因負傷在身, 所以牛不得、辣不得、豆不得、蝦不得、酒不得.....(慘！) 好彩有併盆可以同時滿足我地幾個願望. 個盆有手切頂級肥牛、手切肥牛、金錢展、牛胸油. 手切肥牛牛味
通常對新嘗試都無咩大期望, 因為多數都是失望收場, 但呢間店又真的給了我們一個驚喜！
7點到去到人不多可以坐正响電視前面追埋劇, 地方唔算太大, 眼見有九張細枱加一張大枱, 好似仲有兩間vip房, d員工都幾有禮貌, 一坐低就有人黎招呼.
鍋底有成十款左右, 好想試個豬手豬骨煲但呢款無得雙併, 最終叫左家姐至愛麻辣併鮮魚湯鍋. 一開頭試左啖魚湯,奶白色湯好鮮味. 叫左隻象拔蚌刺身都好大隻, 仲要係條切, 嘩, 無得頂！平時同班friend食最多每人得兩三舊, 今次放正响我前面多多都食得晒啦！
食食下周不時有幾位男士走過來招呼, 其中一位仲攞左碟椒鹽東東過來, 原來佢話叫廚房炸左條象拔蚌胆俾我地, 真係估佢唔到喎, 唔錯唔錯！仲有我地嫌個麻辣湯唔夠辣, 佢都親自加左碗辣油給我地.
肥牛有好幾款, 不過一向好牛的姐夫因負傷在身, 所以牛不得、辣不得、豆不得、蝦不得、酒不得.....(慘！) 好彩有併盆可以同時滿足我地幾個願望. 個盆有手切頂級肥牛、手切肥牛、金錢展、牛胸油. 手切肥牛牛味濃又唔un, 好好味, 個人最愛牛胸油, 灼一陣就食得, 一d都唔油又爽口, 讃！
黑豚肉叫俾姐夫食, 佢話都ok.
白鱔片食到一半先記得影, 又厚又脆又甜又無骨, 連唔好魚又要被迫食嘅姐夫都話唔鯹先出奇
本來點左墨魚丸併蘿蔔豬肉丸, 不過食晒成碟都唔覺食到蘿蔔, 但係就好彈牙, 之後位疑似老細嘅男 士走埋黎問我地有冇叫炸響鈴, 話係即叫即炸一定要試, 我地同佢講蘿蔔豬肉丸好似無咩蘿蔔, 佢check完單話原來入錯左, 送番碟真正蘿蔔豬肉丸過我地, 後尾又拎左碟炸響鈴俾我地試食, 有五舊,夠我地一人一舊認真細心. 講番碟蘿蔔豬肉丸, 真係有一條條蘿蔔絲, 好味道, 第次唔會食齋豬肉丸lu.
食左美國蠔同廣島蠔,美國蠔夠大滑溜多汁, 廣島蠔較細但蠔味重, 我全家都是蠔痴所以兩樣都食晒.
仲叫左花膠, 有兩條, 上枱後先切件.
之後仲有手打魚麵, 落完之後漲漲地呢個真係勁彈牙！好飽但都食左好多.
完場前又有驚喜, 就係送左兩盅龜苓膏, 自家製的feel到好有誠意, 因為番到屋企仲有回甘味, 感覺上食完麻辣無咁熱氣.
呢度招呼好到不得了, 又有電視睇, 好似有家的感覺！
可惜個牛併盆無牛柳粒, 因為聽到隔離枱講到好似好正咁, 下次多人d再試過先.
張貼
