Prohibition 扒房．酒吧

營業中

休息中

星期日，適逢係友人生日既大日子，所以決定同佢到海洋公園玩返一日。剛巧海洋公園附近最近起左一間新酒店，就打算係夜晚同佢去酒店內的「Prohibition 扒房」舒舒服服食返餐。店內每個角落都充滿美式酒吧風格的裝潢。侍應安排我同友人到沙發位置坐下，然後遞上兩杯暖水同熱騰騰的麫包，仲主動為我地推介一些食物。玩左一整日，我同友人都覺得好肚餓，所以我倆叫左一個burger 同一份44安士既美國穀飼肉眼扒share。過左一陣，第一個主角出場 - 招牌和牛漢堡配車打芝士。好欣賞餐廳員工知道我倆share，上菜前已將漢堡切好四小份，方便我地進食。Burger裏面既和牛扒好厚，一啖咬落去，啲肉汁已經湧出嚟，肉質超香。第二個主角亦都跟住出場 - 美國穀飼44oz肉眼扒。我同友人一望到塊扒，都忍唔住「嘩」左一聲，因為實在大得太驚人。一切開已經散發濃郁既牛香，食落去啖啖肉，配埋特別既紅酒汁，真係冇得彈。整體嚟講，環境格調一流，而且用料有質素，真係慶祝生日既好地方。