丼瀛 (已搬遷) 新店位置

觀塘工廈有好多高質既餐廳，只要你識揀就會搵到一間又平又正既，性價比高既好西餐廳。今日同朋友上網搵過後，決定來試下呢間日本菜，除左刺身丼飯，仲有好多唔同類型既日本菜揀。🔸海膽三文魚丼 肥美既三文魚切得大大塊，厚度夠每一啖都啖啖肉。海膽唔會臭，而且鮮甜。飯既份量唔會好多，份量岩岩好。🔸刺身贈送既刺身一樣好味，份量比想像中多。🔸一口豚肉唔會燒到好乾，好多汁。🔸吉列廣島蠔炸得鬆脆，不過唔夠大隻，但呢個價錢可以既。🔸日本南瓜好甜好清新，來自日本既南瓜真係唔同d。🔸明太子雞翼無骨既雞翼，入面包住明太子，好食呢。🔸海鮮鍋無湯底選擇，起初望住送上來既湯底以為會好淡味。點知煮後非常清甜，吸收晒海鮮同菜既精華，煮麵食一流。整體價錢不貴，可以食到多款日本菜，同朋友來食是不錯選擇。