Aroma Truffle (已結業)

最近海港城喺港威中心開左間人氣大熱店，名為Aroma Truffle嘅新分店，呢度賣嘅產品全部都會散發出一股獨特而又矜貴嘅氣味，呢種氣味就係令好多人都會為之瘋狂嘅黑松露，而店內大熱嘅就係呢款黑松露嘅薯片。喺Aroma Truffle所買到嘅黑松露薯片，只要你打開包裝袋，薯片中帶有嘅濃郁而獨特嘅黑松露香味，會直衝入鼻腔之中，再配上咸香酥脆嘅薯片，只要一啖，其香氣，味道同埋口感三方面都有令你有一試難忘嘅感覺。而除左原味黑松露外，仲有兩款味道一款係蜜糖，另一款係芝士，兩款都有夾雜住黑松露嘅獨特香味，蜜糖帶有甜甜嘅味，芝士就更有咸香味，兩者都各有特色，令人難以選擇。