影片
更多
2018-11-28
216 瀏覽
今次黎到鮨文.... 久仰大名,我最先認識的一間Omakase 就係鮨文。 一世人 點都係要豪一次嘅!!!先黎一個茶碗蒸, 係黑松露打成蓉再用上湯煮過的芡汁加埋菇, 仲有乾瑤柱,真係好濃濃濃濃味, 再加埋金泊, 真係又矜貴 又好味。蠔- 並不普通,面頭加左檸檬汁同蘿蔔蓉, 加左少少汁料, 一入口海水味重, 但因為檸檬汁同蘿蔔蓉嘅關係, 隨即又返返去清新嗰一邊, 細味之後鮮甜味出曬黎, 個鮮味喺停留左喺口腔好一陣, 好有層次感, 回味!蜜柑鯛魚, 有少少橙香味, 師傅話呢隻魚係用蜜柑果皮做飼料。用有少少岩鹽喺面, 咬下咬下 真係會有浸出黎的橙香 感覺。來自四國的bb size 油甘魚, 係養殖場飼養的,卷住檸檬草的比較清新, 味道適中。 後者係野生的深海池魚, 經過炭燒過皮, 好香 煙燻炭燒的味道, 口感實在D ,超鍾意。白子- 好似豬腦咁, 口感都幾creamy, 師傅特登唔話比我聽知咩黎, 要我地食左先... 未擺入口都有D 驚嘅... 不過食落連埋D 汁就好似豆腐花咁, 自然不古怪。開估..... 係精巢 🤮🤮🤮同自己講.. 魚嘅啫!不過又真係ok 好食喎! 全晚唯一嘅熟食菜式,鱈
先黎一個茶碗蒸, 係黑松露打成蓉再用上湯煮過的芡汁加埋菇, 仲有乾瑤柱,真係好濃濃濃濃味, 再加埋金泊, 真係又矜貴 又好味。
蠔- 並不普通,面頭加左檸檬汁同蘿蔔蓉, 加左少少汁料, 一入口海水味重, 但因為檸檬汁同蘿蔔蓉嘅關係, 隨即又返返去清新嗰一邊, 細味之後鮮甜味出曬黎, 個鮮味喺停留左喺口腔好一陣, 好有層次感, 回味!
蜜柑鯛魚, 有少少橙香味, 師傅話呢隻魚係用蜜柑果皮做飼料。用有少少岩鹽喺面, 咬下咬下 真係會有浸出黎的橙香 感覺。
來自四國的bb size 油甘魚, 係養殖場飼養的,卷住檸檬草的比較清新, 味道適中。 後者係野生的深海池魚, 經過炭燒過皮, 好香 煙燻炭燒的味道, 口感實在D ,超鍾意。
白子- 好似豬腦咁, 口感都幾creamy, 師傅特登唔話比我聽知咩黎, 要我地食左先... 未擺入口都有D 驚嘅... 不過食落連埋D 汁就好似豆腐花咁, 自然不古怪。開估..... 係精巢 🤮🤮🤮同自己講.. 魚嘅啫!
不過又真係ok 好食喎!
全晚唯一嘅熟食菜式,鱈魚反而我覺得無特別, 最特別嘅係伴碟的紅蘿蔔, 甜到好似蕃薯咁, 仲有下面個醬, 係好似白汁咁。
三文魚子- 真係我食過最好食嘅三文魚子,因為師傅話呢個係新鮮生筋子,用味淋同一啲酒醃浸過。
食落口感可以話從未試過嘅鮮... 每一粒都好分明,滑脫脫, 個皮好脆, 又唔會死咸。
根住上壽司, 當然啦....喺你面前嘅手握壽司, 特別好味。有一D 比較深刻的就係北寄貝, 因為師傅會打佢一下 令佢肌肉收縮更加爽口同彈牙。
仲有中拖羅 沒有入口溶到成口油但有嗰種油香咬落去有質感一點, 都不錯!
重點!!!!! 有一大杯海膽, 淨係睇不斷裝落個碗度... 一D 都唔吝嗇, 係一大杯.... 視覺上已經大滿足。平時一啖啖 慳住食,而家成杯食極都未食曬咁。
仲有左口魚個朋友右口魚,都係一樣火燒過, 油份極重, 超香。 最窩心係師傅會用紫菜包住個底, 唔怕D 油 滴出黎。
蜜瓜係上桌之前噴左Wiskey , 食落口沒有濃烈酒味,反而咁樣係帶出曬密瓜甜味, 就好似巨峰提子嗰種酒香甜味。
太幸福喇.... 由頭至甜品 都好合胃口, 好滿足呀!
張貼
