宴 尖沙咀

上次同朋友嚟呢度食咗晚餐之後就愛上咗呢度嘅美食，尤其係以下幾樣菜，更加令我深深愛上。👉🏻沖繩風炒豬肉麵筋👈🏻香味撲鼻嘅豬肉炒麵筋，麵筋口感柔軟而且有彈性，薄切豬肉又炒得夠香，令到麵筋非常入味，充滿豬肉嘅香味。👉🏻特選5點刺身拼盤👈🏻擺盤非常精緻，每款刺身都相當新鮮。深海池魚肉質鮮嫩肥美，拖羅油脂甘香，入口即溶，海膽入口軟滑即溶，帶有啖啖嘅海水鮮味，帆立貝柱肉身厚實，味道鮮甜、口感豐富，牡丹蝦口感爽脆而且鮮味十足。👉🏻厚燒牛舌👈🏻味道微辣又滋味，食落去感覺非常開胃。牛舌口感彈牙而且肉味香濃，喺調味之下，更加昇華咗牛舌嘅美味。👉🏻雞肉棒👈🏻雞肉食落口感軟嫩，滿滿嘅肉汁，配埋蛋黃醬，整體嘅味道更上一層樓，令人一啖接一啖，停唔到口。👉🏻花生豆腐👈🏻豆腐滑嫩爽口，口感Q彈，扎實綿密，而且咬落去有濃濃嘅花生香味，食咗仲想再食，念念不忘。整體嚟講，呢間餐廳真係值得大家嚟試一試。(沒有用餐優惠）