影片
更多
2024-03-02
659 瀏覽
方便嘅關係，今次係第三次去食。先唔講食物質素，等我個set等咗足足一個鐘，真係令我腦洞大開。我朋友都食完，隔籬枱食客俾我哋遲黎都食完走埋，都仲未上到菜。催咗佢哋三次，頭一二次就話因為製作需時，所以要等比較長嘅時間，但係到第三次催嘅時候，佢哋話原來上錯咗俾第二個人，要再整過。由第三次催到真正上菜，其實10分鐘都唔使，咁即係唔係製作需時啦 🤯我今次嗌咗嘅係素食set。呢個set有沙律、三款天婦羅、兩串串燒、四舊壽司、湯同埋甜品。沙律同甜品係例牌嘢，所以唔評論。天婦羅：菇、番薯、秋葵串燒：菇、番薯壽司：菇、蘆筍、牛油果、蔥可能我真係好孤陋寡聞，但係真係未見過蔥壽司。🤷🏻♀️對比上一次（其實正正只係一個星期前）都係嗌呢個素食set，款式同份量都差好遠。起碼上次唔會度度菜都係菇、兩度菜都有番薯。上次起碼多啲variety，除咗菇、番薯、秋葵、蘆筍、牛油果之外，仲有南瓜、甜蛋同埋茄子。而且上次壽司嘅份量比今次係大一倍。佢地要食客等咁耐都好似冇乜歉意，上嘅菜仲要係咁嘅時候，完全覺得佢哋係用敷衍嘅態度嚟服務食客。😮💨
先唔講食物質素，等我個set等咗足足一個鐘，真係令我腦洞大開。我朋友都食完，隔籬枱食客俾我哋遲黎都食完走埋，都仲未上到菜。催咗佢哋三次，頭一二次就話因為製作需時，所以要等比較長嘅時間，但係到第三次催嘅時候，佢哋話原來上錯咗俾第二個人，要再整過。由第三次催到真正上菜，其實10分鐘都唔使，咁即係唔係製作需時啦 🤯
我今次嗌咗嘅係素食set。呢個set有沙律、三款天婦羅、兩串串燒、四舊壽司、湯同埋甜品。沙律同甜品係例牌嘢，所以唔評論。
天婦羅：菇、番薯、秋葵
串燒：菇、番薯
壽司：菇、蘆筍、牛油果、蔥
可能我真係好孤陋寡聞，但係真係未見過蔥壽司。🤷🏻♀️
對比上一次（其實正正只係一個星期前）都係嗌呢個素食set，款式同份量都差好遠。起碼上次唔會度度菜都係菇、兩度菜都有番薯。上次起碼多啲variety，除咗菇、番薯、秋葵、蘆筍、牛油果之外，仲有南瓜、甜蛋同埋茄子。而且上次壽司嘅份量比今次係大一倍。
佢地要食客等咁耐都好似冇乜歉意，上嘅菜仲要係咁嘅時候，完全覺得佢哋係用敷衍嘅態度嚟服務食客。😮💨
張貼
