80 后 (已結業)

星期日，約埋朋友仔，被「80后」呢個名字吸引，所以一行4人入咗水井村，試試呢間特別嘅泰國菜。四人，每人點了一道菜～首先來一客生蝦，賣相跟一般餐廳一樣，食入口感覺很新鮮，唔似冰凍過嘅，$88，值！第二道青咖哩雞，賣相一般，青BB，不過個汁係好濃，不過d雞用鷄柳，口感一般～跟住就係併盆， 一上枱就嘩嘩聲，魚餅鬆脆，春卷入面d料好多，好香口，雞翼用香茅醃過，炸得啱啱好，好食！仲有豬頸肉，唔硬，有肉汁！最尾一道蝦羔炒飯，蝦羔味濃，有肥豬肉粒一齊炒，香到不得了！