80 后 (已結業)

🥘搵到寶！隱世泰國美食挑戰味蕾。係這家《80后》店裡面，食到幾款好正既泰式料理，每一樣都令人眼前一亮！先講講佢哋個泰式炸蝦餅啦，每一件都炸到金黃酥脆，同時間內藏秘密武器—鮮香彈牙既蝦肉。啖啖咬落去，咸香中帶出海鮮既鮮甜，真係口感層次分明到不得了！再嚟就係泰式湯河粉，好本地既食法，特別係選咗炸豬肉，啖啖肉感，外皮炸到剛好，有咬口又唔會過火。啖啖脆香，肉質中帶少少甜，同湯底既酸辣完美融合。話時話，呢度既飲品都不容小看，佢哋個泰式咖啡就真係頂呱呱！濃得嚟又唔膩口，加埋特別既香料味，飲一啖真係精神為之一振。總之，呢度既飯菜質素穩定，又有種種新鮮嘅味道體驗，無論係老饕定係想change下口味既朋友，都值得黎試吓。🌶🍽🥤

啲餸菜非常多味精，非常之咸。咸到食唔落！我叫咗一個生蝦，椰汁雞湯，一個小食併盤，什菜，咖哩飯，炒金邊粉，雞翼同生菜包！就連生菜包既肉碎，包住菜都非常之咸。生蝦係唯一正常既！鍾意濃味既應該會接受，如果唔係既話，我勸你唔好試！

今日同朋友去左井頭村撐艇，第一次玩撐艇的我表示攰到飛起。收拾完物品後，我地就在井頭村附近找野食。於是揀左呢間隱世的泰式餐廳。唔知係咪太攰和太餓的原因 ，覺得野食都好好味，而且非常好抵食 😋平時在市區食呢個份量應該要每人200-250先落到樓，但個日我地成餐只係比左$260。勁抵食，而且食物質素唔差和份量比相像中的多。在附近玩完，值得入去試一試。1.泰式生菜包2.冬陰公豬頸肉湯金邊粉3.泰式炒蜆大排檔的炒蜆就食得多，唔知係咪泰式的緣估，佢既醬汁是與大排檔的不同。但相同的係都係非常有鑊氣。4.魷魚鬚酥脆內軟的魷魚鬚，即叫即煮，熱辣辣，唔似番炸。5.泰式龍眼冰6.鹹檸七

💓隱世家庭式泰菜💞推介指數 ❤️❤️❤️❤️❤️食泰國菜好多人都去西沙路或者西貢市中心，人多車多特別疫情下weekend同埋假期都旺過旺角。想chill 下又想體驗下村屋環境，可以去井頭村搵食，仲有free parking。由80后開張幫襯到而家好幾年，向以下情況就會去食，例如諗唔到食咩、唔想搵食咩、唔想去同人逼、唔想煮，基本上即係飯堂！店舖位於村屋地下，以家庭式經營，座位有室內同室外，價錢相宜而且食物質素有水準又穩定，仲有係即叫即製，全部熱辣辣出哂煙，小心辣口呀！✨泰式炸蝦餅 HKD65炸蝦餅有5大舊，每舊仲大塊過檸檬，質地彈牙酥香又唔油膩。✨泰式湯河粉 HKD38推介炸豬肉，新鮮即炸，外層脆卜卜、仲有啖啖豬油香，好好食！除咗面層嘅芫荽，入面仲有雜菜㗎，有菜芯、椰菜同生菜，絕不馬虎！餸料可以揀牛丸、札肉、雞絲、豬頸肉、炸豬肉、肥牛同蝦，每多一款餸都係+HKD8。粉麵可以揀河粉或者金邊粉、改冬蔭功湯底+HKD5。配凍熱飲品+HKD6，想揀特飲+HKD12。✨泰式炒粉絲 HKD54嚟哩度食炒嘢，第一係夠鑊氣，第二係火喉炒得啱啱好。炒粉絲條條分明，配料仲有好多蝦米仔、肉碎同椰菜。而且價錢仲送例湯同嘢

喜出望外嘅價錢，可以食倒好味的泰國菜，雖然選擇唔多，勝在行出去就得。我最喜歡的便是想食蝦片，又唔想一次過食一大包，這裡就最好。今日食了梅菜扣肉飯，以後我唔駛出去旺角泉章居排隊啦，這裡更方便、更好味

有去開西沙路一帶既朋友相信都知道井頭村有間叫水井坊既餐廳。但其實除左水井坊，隔離重有一間小本經營既泰國餐廳，所以今日中午就黎幫襯下喇。室內環境幾寬敞，裝修都不錯幾簡撲。叫左泰式炸蝦餅、泰式生蝦刺身、菠蘿炒飯，而飲品就叫左泰式奶茶。泰式生蝦刺身價錢算合理，但食落口蝦肉唔夠爽身同彈牙，可惜可惜。泰式炸蝦餅呢個係比較做得出色，一黎味道不錯，二黎份量多，三黎價錢合理可以一試。菠蘿炒飯份量超大碟，但可惜味道偏淡，不過跟餐就有例湯同飲品，例湯味道算幾好幾清甜，不過泰式奶茶雖然知道佢用泰國茶葉沖製，因為茶色唔似港式奶茶咁嘅樣，但茶底味道差少少唔夠濃郁，如果可以做到泰國既味道就無得頂喇。

鄉村地方, 搵到好食好緊要, LUNCH TIME黎到80后, 仲有LUNCH SET揀:陳皮鴨脾湯飯 - 真係原隻鴨脾再加一大舊鴨肉, 湯底仲有冬瓜, 花菇, 陳皮, 非常濃郁, 鴨脾唔"SO"仲幾嫩, 夏天飲真係好舒服!香葉肉碎炒飯 - 可以ORDER少辣架, 廚房即叫即炒, 聽到鑊氣聲已經好正, 有豆有菜仲有好多肉碎, 呢到有2碗飯的份量, 超大碟, 好有鑊氣, 粒粒都入味!冬瓜牛腩湯飯 - 好多牛腩, 全部都好淋又無根, 呢個湯底就清D, 牛腩一樣入味! (相片已食左幾舊牛腩)

80 后網址: https://s.openrice.com/QrbS0dla600地址: 西貢西沙路三杯酒井頭村80號地舖放假同老婆拍拖，發現左呢間泰國菜餐廳。餐廳係村屋嘅地下，有室內、室外坐位。餐廳裝修簡約舒適，最特別係其中一幅牆上嘅手繪畫，應該係繪畫泰國廟宇，幾特別。呢間餐廳有一般泰國菜嘅食物，咖啡、生蝦刺身、明爐烏頭、生菜包、炸小食、 辣椒膏炒蜆、 沙嗲串燒、燒豬頸肉、香茅雞翅、 蒜蓉牛油青等等，好多好食嘅野，不過我地得兩個人，只能食到幾款食物。我地叫左菠蘿炒飯、 泰式炒金邊粉、炸蝦餅。餐送冬瓜湯，泰菜送冬瓜湯有d怪。餐飲叫左凍奶茶，一般。

放假同老公出咗去遊車河 ，黃昏時間去咗馬鞍山嗰邊搵食。 呢間餐廳嘅原址好多年前係一間西餐廳當，時我哋仲拍緊拖去食。中間已經轉咗幾手，而家變咗泰國菜餐廳。我上openrice睇過食評，見啲朋友講都幾好食，可以試下。我哋叫咗啲基本泰國菜dishes，包括pad thai、菠蘿炒飯、同埋炸蝦餅 。呢間餐廳好好，pad thai同菠蘿炒飯有套餐，包餐湯同飲品。個菠蘿炒飯好好食，熱辣辣、好香、飯裏面嘅雞肉煎得好香、伴碟嘅腰果炸得好脆、 菠蘿新鮮菠蘿 。但個pad thai就唔ok，唔夠茄酸味、魚露味太重。炸蝦餅: 面頭嘅炸漿好似係天婦羅粉 ， 特別熱氣 ，不過都好食檸茶係泰式茶

工作繁忙令身心俱疲，放假總是想出走，看看山看看水，洗滌一下身心。閒時喜歡捐窿捐罅搵食搵靚景，今次找到來西貢井頭村，一個之前聞所未聞的地方，其實就在西貢西沙茶座的不遠處，駕車來訪十分方便，除了可以嚐嚐街坊泰菜外，更可到訪私房迷你沙灘，椰林樹影，水清沙幼，環境美得令人忘懷。泰式生菜包 ($65)店員細心詢問我們嗜辣與否。得悉我們不能吃辣，特意煮了一個完全不辣的版本給我們。豬肉碎夾雜肥瘦的部份，肥肉口感爽爽的，有膠質，而瘦肉軟腍。以檸檬葉，九層塔等香草調味，極具泰式風情。另附上十片新鮮生菜，可以包裹肉碎同吃，減輕油膩感。青咖哩雞飯 ($48/ 套餐)青咖哩雞飯為午市套餐，附上湯及飲品，飲品可免費選凍飲，可謂非常超值，而且質素也絕不欺場。青咖哩質感比較稀，但咖哩味道香濃，香草及椰汁味亦突出。而且辣度也不輕，但怕辣的我仍然忍不住狂吃，因為實在太惹味了！雞肉用上雞柳，不用吐骨，方便進食。湯是大路的冬瓜湯，上桌時熱辣辣，不會像其他泰國菜館的例湯溫溫吞吞的。冬瓜湯非常暖胃，而且煲得夠火喉，味道夠。泰式奶茶跟港式奶茶大有分別！除了顏色帶嫣紅外，味道也不太一樣。奶茶加入有斑蘭調味，啖啖都帶有斑蘭的清香，而

位於村內的小店, 人流唔多, 一個家庭式的泰國菜.叫左6個野食, 碟碟份量都算大泰式酸辣鳳爪 - 鳳爪已去骨, 味道帶一點辣, 有洋蔥/紅蘿蔔/菜等, 所有蔬菜都好爽口, 味道酸酸的. 十分開胃好食!泰式生菜包 - 一大碟生菜, 新鮮乾淨. 一大碟肉碎, 炒得香口又好味, 肥瘦均勻, 送飯都一流.泰式豬頸肉 - 是炸的, 不過都好香口, 好脆, 又係肥瘦各半, 啖啖甘香, 如果係炭燒仲正!炸蝦餅 - 聽講係自己打既蝦膠黎, 外皮炸得極鬆脆, 有點彈牙, 沾上甜酸汁食更正!菠蘿炒飯 - 呢個份量唔係好多, 不過足料, TOPPING真係有肉鬆, 仲有津白伴碟, 呢個飯仲有飲品及湯附送, 抵抵抵!味夠, 有少少油, 真係有一粒粒菠蘿添.炒蜆 - 好大碟, 炒得好香, 夠味, 不過有部份蜆仲有沙, 真係隻隻有蜆肉!店舖小小, 款色唔多, 可以慢食又有人情味, 好有家庭FEEL!

星期日，約埋朋友仔，被「80后」呢個名字吸引，所以一行4人入咗水井村，試試呢間特別嘅泰國菜。四人，每人點了一道菜～首先來一客生蝦，賣相跟一般餐廳一樣，食入口感覺很新鮮，唔似冰凍過嘅，$88，值！第二道青咖哩雞，賣相一般，青BB，不過個汁係好濃，不過d雞用鷄柳，口感一般～跟住就係併盆， 一上枱就嘩嘩聲，魚餅鬆脆，春卷入面d料好多，好香口，雞翼用香茅醃過，炸得啱啱好，好食！仲有豬頸肉，唔硬，有肉汁！最尾一道蝦羔炒飯，蝦羔味濃，有肥豬肉粒一齊炒，香到不得了！

在我的住處西沙路，十四鄉一帶，說食的話，外人一定會大叫《西沙茶座》，不過對本地居民來說，《西沙茶座》絕對不是我們十四鄉居民的一杯茶。之不過，井頭及西徑的茶餐廳，又沒有什麼睇頭，泥涌西澳一帶的又全是謀人寺，咁仲有什麼好報導呢?有的，因為有新店，在井頭的點心店結業之後，該舖位繼續以食肆的形式經營著，這一次出現的，是一間泰國餐廳，而名字就好 young (其實已經不 young)，叫做《80后》 (Queen 80's)。這一店，算是來過好多次，每一手都有不同的主題，每一手都重新裝修過，所以我每一次來，都有一個全新的感覺，有全新的視覺驚喜。視覺驚喜有了，那食物呢? 食物又有什麼驚喜呢? 驚唔喜呢? 當然要食過先知.....我來的時候，是中午，一個人的中午就食套餐算數，套餐有一個例湯，是一個很普通的雞腳煲瓜例湯，好的是夠濃，夠甜，沒味精，家庭靚湯的感覺。食泰式既飯，我選了燒豬頸肉飯，豬頸肉氅得乾身，肉既香又爽，點上泰式的辣汁，感覺也幾好味，伴以其實新鮮的蔬菜，如果在天時熱的日子來食，會是更爽更開心。冬天....其實應該食泰式咖喱....店方推介給我的飲料，是他們的泰式咖啡，濃濃的，有少少香料的

同朋友一早去到食個早飯，少少地一個湯粉加小食拼盤，最好食係個炸魚餅，熱辣辣已經聞到鮮魚味，食落口有濃濃的香茅味，好足料，讚！個醬汁係自家制，都幾好味。至於湯粉就淡味啲。

都開左一段時間(一個月倒啦)，終於有時間落去食！門面裝修好有味道，加上餐廳名係"80后"，所以一開始真係諗住係年輕人開既。誰不知係一對好有heart好nice既夫婦開既，聽聞老闆娘仲係泰國人黎既添！sa wa di cup！8月6號晚，男友遲收工9點20分先返到去！但我恨食左好耐喇喎。。。。老闆好好人咁都俾我地入去，佢開面係寫閂9點既，但就話有客都會照做。之後都有兩檯客入，老闆都照serve！👍今晚有好多碟都唔記得影相，係事後甜品時間先醒起😝正餐唔錯！！生菜包看似份量少但都夠食喎！佢本身辣辣地，岩晒好辣既我✌我個扎肉金邊粉，我幾like！面頭都有好幾條通菜，唔吝嗇既！我落左d魚露，仲有辣粉，好麻！岩晒我！但就算落咁多調味，個湯底隱約都仲食得出唔係味精既！！very good！男友個雞飯好似連湯連餐飲！抵！佢話個雞飯都好味😋😋😋😋男友最欣賞呢個：南瓜布丁！確係特別！老闆們自創的，話層皮都食得！布丁夠滑，整體配搭好正。唔太甜！最重要佢都只係承惠40蚊！抵啦！原個南瓜喎！我就鐘意呢個清清地既椰青糕！！好飽好滿足既一餐啊！會再黎！