夢工房西日料理 (已結業)

葵芳新都會或者葵涌廣場好多食店都已經試過，但係葵芳就好少食放題嘅地方。今日同朋友慶祝生日，特意揀咗放題黎食☺️我哋食七點鐘，個場好大有唔同嘅座位，我哋只係兩個人都可以坐四人座位，令到我哋嗌咗好多嘢食都唔驚冇位擺。門面就普通通啦但係就見到裏邊真係有好多位，坐門口嗰啲仲有沙發添特別舒服^_^食放題最開心就係見到好多✔️食物嘅紙😍呢間算多嘢，又多海鮮😛一坐低就先送一盤海鮮啦，有兩隻生蠔，蟹蓋，帶子😋😋呢一間放題都有得自己燒嘢食，隻蝦大到😱重一路燒一路加海鹽，正呢一間有梅酒飲，要另外order, 勁開心😈，同朋友嗌左四次！雖然每一次都係細細支咁樣先可以確保夠凍呀麻😳天婦羅呢都有好多唔同種類啦，天婦羅蟹棒好食🤤 嗌左三次🤤🤤一餐生日飯，抵呀！