影片
更多
2024-06-27
224 瀏覽
呢晚難得地可以擺低阿女一個晚上，約埋成班媽咪朋友一齊lady’s night🥂💖咁開心嘅晚上梗係要揀返一間高質嘅西餐一齊嘆啦🍽️🤓朋友介紹西環有間好chill既西餐，於是就訂咗枱過黎食啦🥰餐廳位置都算易搵，地鐵站行過去5-10分鐘就到🙆🏻♀️餐廳有室內同埋室外位置，裝修係舒服既工業風帶典雅既感覺，坐位空間寬敞，仲有bar枱區、Candy corner同千秋打卡位🤓店員服務好細心，為我地推薦左唔同菜式，我地揀左：Haruka Apple Crab Salad日本青森王林蘋果蟹肉沙律香甜既青森王林蘋果橫切成厚片狀，中間每層夾住蟹肉沙律，酸酸甜甜既蟹肉沙律配埋爽甜既蘋果，好match好特別👍飲品我揀左mango smoothie，沙冰質地細滑，除左香芒，亦加入左乳酪，入口香甜而清新可口，讚👍Thai Chicken Mango Salad泰式雞肉芒果沙律雜錦既沙律菜加上左洋蔥絲、青瓜、車厘茄同芒果粒等，烤雞肉烤得香口而嫩滑，泰式醬汁有酸甜既鮮果味，同沙律好夾，整體好清新而滋味😋Garlic Portobello with Creamy Baby Spinach香燒蒜蓉大啡菇配忌廉菠菜苗呢款前菜
店員服務好細心，為我地推薦左唔同菜式，我地揀左：
Haruka Apple Crab Salad
日本青森王林蘋果蟹肉沙律
香甜既青森王林蘋果橫切成厚片狀，中間每層夾住蟹肉沙律，酸酸甜甜既蟹肉沙律配埋爽甜既蘋果，好match好特別👍
飲品我揀左mango smoothie，沙冰質地細滑，除左香芒，亦加入左乳酪，入口香甜而清新可口，讚👍
Thai Chicken Mango Salad
泰式雞肉芒果沙律
雜錦既沙律菜加上左洋蔥絲、青瓜、車厘茄同芒果粒等，烤雞肉烤得香口而嫩滑，泰式醬汁有酸甜既鮮果味，同沙律好夾，整體好清新而滋味😋
Garlic Portobello with Creamy Baby Spinach
香燒蒜蓉大啡菇配忌廉菠菜苗
呢款前菜個人黎講好喜歡😋大啡菇juicy嫩滑，內裏係好creamy濃郁既忌廉汁煮菠菜苗，帶有淡淡既芝士香，配埋火箭菜食有重口感，超正😋👍
Pork Belly & Seared Scallop
五花肉煎帶子配南瓜蓉
每件既五花肉上面都配上一件帶子，五花肉煎得好香口，半肥瘦既肉入口即溶，帶子都煎得非常香，而伴碟既玫瑰花瓣散出淡淡既花香味，賣相好睇又令人開胃👍
Golden Crab Yolk Spaghetti
黃金蟹黃意粉
意粉加入左蟹黃，醬汁好creamy而鮮甜，仲有啖啖蟹黃，意粉口感軟硬剛好，非常掛汁，味道令人一試難忘，睇相都有種念念不忘既感覺🤤
Grilled Chicken Breast
烤雞胸
烤雞胸既火喉控制得好好，肉質多汁軟嫩，外層燒成網紋狀夠晒香口👍配搭左牛油果芒果salsa好清新，而配角既烤薯菜一啲都唔馬虎，非常出色既一道菜😋
US Hanging Tender 美國封門柳
封門柳揀左5成熟，火喉控制得洽到好處，外層牛肉嫩滑而且牛味香濃，每啖都充滿肉香，回味無窮😋
Freshly Made Mango Napoleon 芒果酥皮拿破崙
係精緻而出色既甜品🤤每層酥皮之中夾住新鮮既芒果忌廉，酥皮香酥鬆脆，芒果忌廉軟滑濃郁，成個感覺都好fresh好滋味，非常令人難忘，絕對想再食一次🤤💕
Tiramisu Cake 意大利芝士蛋糕
呢款甜品都非常靚同好味🤤首先tiramisu既表面係一球好香而細滑既咖啡雪糕，然後係一層朱古力片，敲開朱古力就係濃稠軟滑既tiramisu芝士，入口香甜帶有淡淡咖啡同酒既香味，芝士同蛋糕層既比例非常好，成個甜品都好creamy軟滑，好正😋😋😋
成個用餐體驗都好舒服，上菜速度控制得好好，每當完成一道隨即就會送上下一道，而且食物用料同烹調都非常有質素，精緻講究而不馬虎，非常令人impress 既一間餐廳，十分推薦👍👍👍👍👍💖
張貼
