影片
更多
2020-06-21
1193 瀏覽
網上好多推介，之前一直想食Lamlamli，但係舖頭成日大排長龍，開舖冇耐就賣囇。適逢友人生日，訂左六件千層蛋糕，可以乘機試到唔同味。 預先講過話想分開裝啲蛋糕， 好細心咁幫我分好每件蛋糕，服務態度非常之好。 去到嘅時候大概一點半到但都已經好多人排緊隊，間鋪唔知點解好香士多啤梨味，冷氣又夠，排住隊等都唔會覺得好辛苦。呢間我食過最好食嘅一間千層，千層個皮夠薄，忌廉唔會太多令到餅皮淋曬。層次分明之餘，唔會話融到變cream cake咁，個cream唔會話太厚實，食落餅皮同忌廉嘅比例啱啱好，亦夠滑。芋頭其實唔差嘅，個cream有芋頭粒粒，都幾驚喜，冇人造嘅芋頭味，但味道有啲啖，個人口味鐘意濃味啲。焙茶，勁香茶味，食完有回甘，小清新，係最好食嗰個，茶味同甜味balance得啱啱好。伯爵茶，可能因為有種印度香料味，冇焙茶味咁討好，茶味都比較淡，差甘啲伯爵茶特有嘅手柑味，但鐘意呢種茶味嘅人應該會幾鐘意。曲奇冇咩特别出嘅味，係牛奶cream做基底，食到少少咸咸地嘅曲奇碎咁，可以再濃味啲。流心朱古力，面頭有朱古力粉，食落有種黑朱古力特有嘅甘苦味，係大人鐘意食嘅朱古力，令到佢朱古力味濃得黎唔會太膩，唔會
呢間我食過最好食嘅一間千層，千層個皮夠薄，忌廉唔會太多令到餅皮淋曬。層次分明之餘，唔會話融到變cream cake咁，個cream唔會話太厚實，食落餅皮同忌廉嘅比例啱啱好，亦夠滑。
芋頭其實唔差嘅，個cream有芋頭粒粒，都幾驚喜，冇人造嘅芋頭味，但味道有啲啖，個人口味鐘意濃味啲。
焙茶，勁香茶味，食完有回甘，小清新，係最好食嗰個，茶味同甜味balance得啱啱好。
伯爵茶，可能因為有種印度香料味，冇焙茶味咁討好，茶味都比較淡，差甘啲伯爵茶特有嘅手柑味，但鐘意呢種茶味嘅人應該會幾鐘意。
曲奇冇咩特别出嘅味，係牛奶cream做基底，食到少少咸咸地嘅曲奇碎咁，可以再濃味啲。
流心朱古力，面頭有朱古力粉，食落有種黑朱古力特有嘅甘苦味，係大人鐘意食嘅朱古力，令到佢朱古力味濃得黎唔會太膩，唔會過甜，就算食飽飯都可以食囇成個。
流心抹茶，第一口食落去會覺得太苦，面頭上有抹茶粉，食多幾啖就會鐘意左佢，會慢慢出甘苦味，抹茶粉嘅用料都幾靚。流心效果幾出色， 抹茶味夠濃岩囇抹茶控。
張貼
