爭鮮迴轉壽司 (已結業)

十二點鐘鬆啲黎到，只有兩枱客，唔使等位，good呀。啱啱開門，見兩位師傅不停手，啲壽司睇落幾新鮮，膠蓋亦乾淨。得五十分鐘，揀定就開始食嘞。三文魚刺身，都算厚切，雖然細塊。新鮮，唔算肥美，但唔鞋口，ok啦。海膽魷魚？賣相差啲但味幾好。芥末章魚？好辣好刺激。甜蝦，玻璃蝦，本人對蝦敏感無食，友人話好鮮甜，甜蝦好食啲喎。黑椒三文魚沙律？黑椒味好香。海膽，魚籽，雖然得半份，不過八蚊仲想點。我覺得幾鮮味，唔腥吖。鰻魚甜甜地好食，不過有細骨。花之戀，太多沙律醬，好漏。貝？唔新鮮，浸太多醬油。大蝦，同樣麻麻地新鮮，友人話無蝦味。最後嘅甜品，攞左忌廉泡芙。甜甜咸咸，又軟綿綿，仲要多忌廉，幾正喎。服務就麻麻啦，但環境，用具等都比x將好，食材亦比較新鮮。如果唔係好大食，根本沒必要去任食，爭鮮都已經超抵食啦。