新派韓食館 (已結業)

之前上openrice搵下有咩好食餐廳，諗住同朋友一齊食，就見到呢間。見到佢咁多好評就以為應該都會幾好食啦，點知...完全兩回事。一去到見到間餐廳咁少人已經覺得奇怪，明明係食飯時間，唔洗等位就入到去食。我地一行人三個就叫左懷舊飯盒、炸醬麵同飯卷。份量超少，完全唔夠食，食完好似冇食過野落肚咁。個飯卷完全冇味，炸醬麵D炸醬有D稀，而且入面得幾舊薯仔。個飯盒味道不過不失，但係份量真係好少。好彩水唔洗收錢，不過要問佢攞先有。D野食都要四十幾、五十蚊，性價比極低，我以後唔會再去呢度食。