影片
更多
2016-09-02
1188 瀏覽
太氣憤了😤😤我從來都冇寫過食評，可能你地睇左會覺得唔係事實，但我只想表達我而家心中既不憤。今晚我同老公2人行經此餐廳（其實我地成日都行過，但從來都冇入過黎食），今晚第一次經過個陣，老公已經話不如今晚食依間喇，次次經過都冇食，但當下我人有三急，我話去左廁所先算。我地去左始創廁所後，老公再問食咩，係咪頭先間餐廳，我見佢再三咁問，一定好想食，我就提議去望下餐牌先決定（因為我係好睇心情食飯既人）。由始創行返轉頭終於到達門口，望一望個餐牌，得一樣野係令我感興趣：「炭燒肉眼扒配黑松露菌汁」。個下，叮一聲咁，心諗幾特別喎，就入左黎試！一入黎，唔算滿座，waitress叫我地自己搵位。我地一坐低就舉手點菜叫我期待既「黑松露菌汁」。Waitress黎到，我話：「唔該要炭燒肉眼扒配黑松露菌汁」仲指埋幅圖（方死佢唔認得咁）Waitress：「你要咩汁？」我：「黑松露菌汁！」Waitress：「咩汁呀？」我（已有少少唔耐煩）：「咪話黑松露菌汁！」Waitress：「咁即係炭燒定黑椒呀？」我：「下！兩樣都唔係喎！你寫明係炭燒肉眼扒配黑松露菌汁，即係塊扒係炭燒，再配黑松露菌汁！」Waitress：「即係黑啦！」佢
我從來都冇寫過食評，可能你地睇左會覺得唔係事實，但我只想表達我而家心中既不憤。
今晚我同老公2人行經此餐廳（其實我地成日都行過，但從來都冇入過黎食），今晚第一次經過個陣，老公已經話不如今晚食依間喇，次次經過都冇食，但當下我人有三急，我話去左廁所先算。我地去左始創廁所後，老公再問食咩，係咪頭先間餐廳，我見佢再三咁問，一定好想食，我就提議去望下餐牌先決定（因為我係好睇心情食飯既人）。
由始創行返轉頭終於到達門口，望一望個餐牌，得一樣野係令我感興趣：「炭燒肉眼扒配黑松露菌汁」。個下，叮一聲咁，心諗幾特別喎，就入左黎試！
一入黎，唔算滿座，waitress叫我地自己搵位。我地一坐低就舉手點菜叫我期待既「黑松露菌汁」。
Waitress黎到，我話：「唔該要炭燒肉眼扒配黑松露菌汁」仲指埋幅圖（方死佢唔認得咁）
Waitress：「你要咩汁？」
我：「黑松露菌汁！」
Waitress：「咩汁呀？」
我（已有少少唔耐煩）：「咪話黑松露菌汁！」
Waitress：「咁即係炭燒定黑椒呀？」
我：「下！兩樣都唔係喎！你寫明係炭燒肉眼扒配黑松露菌汁，即係塊扒係炭燒，再配黑松露菌汁！」
Waitress：「即係黑啦！」
佢係完全ignore我講既野，匆匆幫我落單就走左。我個下真係黑哂口面，再三望多次個menu，真係寫「炭燒肉眼扒配黑松露菌汁」，再即刻望埋英文，係寫住「Grilled Rib Eye Steak in Black Truffle Gravy」，請問邊隻中文或英文字係寫「炭燒」或「黑椒」汁呢？
當然黎到塊肉扒係牛柳（都一早預左），只係我最大期望係「黑松露菌汁」原來係鼎鼎大名既「黑椒汁」囉！！失覺哂！🙇🏻
唔知依啲係咪叫違反「商品說明條例」呢？🤔
張貼
