割烹 櫓杏 (iSQUARE國際廣場)

營業中

休息中

最近做嘢真係超級大壓力，所以決定放鬆吓。嚟左呢間食好嘢，補充吓能量，一邊食，一邊望住靚景，正！叫咗個Dinner set。揀咗牛腸鍋，鍋入面有好多牛腸同豆腐，份量超多。牛腸好有彈性，食得好滿足。跟住就係壽司，師傅準備嘅熊本天草鮮魚壽司好新鮮。果然高檔食材一定要由專業人士嚟處理，先可以發揮到佢本身嘅價值！鰻魚同青瓜配土佐酢都係超好食，鰻魚喺醬汁烤製後，滲透到肉中，令鰻魚更入味，整體甜甜的。柚子雪芭口感比雪糕輕盈。喺脷面溶化呈現出絲滑嘅質感，同時保留少少顆粒感，令人感受清爽。柚子清香係呢個甜品嘅靈魂。果香帶微妙苦澀，去除頭盤餘味。