影片
更多
2018-01-21
772 瀏覽
今日出旺角，心血來潮想食牛扒，搵到呢間top blade,晚上7:30左右黎到，好彩仲有位，下次黎之前都係訂定位。如果一個人黎，仲可以選擇坐BAR枱，都嘅有feel嫁坐低後，店員會詳細介紹每一款扒，我同女友分別揀左390日谷飼PRIME級牛扒，同客席主廚平鐵牛扒。店員會建議各款牛扒的生熟程度，當然你都可以按喜好選。每份扒仲可以加$38選湯、沙律或汽水其中兩款，沙律菜配上黑醋開開胃～呢度除左牛扒係重點外，另一樣特色嘅就係薯條係可以無限添加，薯條灑上松露鹽，而且新鮮香脆。我地叫既兩款牛扒都配有牛仔骨加忌廉淆成嘅醬汁，令牛扒肉味更香。五成熟的PRIME牛扒油脂較多，燒起炭燒味較重，肉質亦較腍，外香內嫩，和味和味！另一款，客席主廚鐵iron steak,我地要既係7成熟，食落牛肉質感較強，食得出牛肉本身嘅纖維，肉味亦比較濃。最後我地仲食左甜品，熱情果蛋白批，微酸的熱情果配上打起綿滑的蛋白，味道清新，因為面頭係蛋白而不是忌廉，食落唔會太甜膩～
今日出旺角，心血來潮想食牛扒，搵到呢間top blade,晚上7:30左右黎到，好彩仲有位，下次黎之前都係訂定位。
如果一個人黎，仲可以選擇坐BAR枱，都嘅有feel嫁
坐低後，店員會詳細介紹每一款扒，我同女友分別揀左390日谷飼PRIME級牛扒，同客席主廚平鐵牛扒。店員會建議各款牛扒的生熟程度，當然你都可以按喜好選。每份扒仲可以加$38選湯、沙律或汽水其中兩款，沙律菜配上黑醋開開胃～
呢度除左牛扒係重點外，另一樣特色嘅就係薯條係可以無限添加，薯條灑上松露鹽，而且新鮮香脆。
我地叫既兩款牛扒都配有牛仔骨加忌廉淆成嘅醬汁，令牛扒肉味更香。
五成熟的PRIME牛扒油脂較多，燒起炭燒味較重，肉質亦較腍，外香內嫩，和味和味！
另一款，客席主廚鐵iron steak,我地要既係7成熟，食落牛肉質感較強，食得出牛肉本身嘅纖維，肉味亦比較濃。
最後我地仲食左甜品，熱情果蛋白批，微酸的熱情果配上打起綿滑的蛋白，味道清新，因為面頭係蛋白而不是忌廉，食落唔會太甜膩～
張貼
