中央飯店

營業中

休息中

因為聽到朋友介紹，今朝早起身特登拎咗價舊相機 ，試下去探險呢一間傾就好耐，好想去始終未去嘅 懷舊茶樓。原來一啲都唔難，由石硤尾站大約行十分鐘 ，我食完之後又試下行去深水埗站都係大約 15分鐘之內。今日食得唔多，叫咗一籠燒賣，佢嘅味道真係好懷舊好懷舊， 質感比較 豐富同埋紮實，絕無欺場。另外叫咗一個西米布甸， 呢樣嘢真係恨咗好耐啦，唔係間間茶樓肯做； 食落去真係覺得唔錯，好多懷舊嘅感覺返番嚟， 蓮蓉係有嘅而且唔算好甜好啱我口味。