影片
更多
2015-01-08
638 瀏覽
呢間食店都食左好多年，由未拍拖食到結婚 今次見唔係好洗等位就去左食，只係等執枱o者...門口姐姐叫我地等一陣...我地之後又有2位黎到，姐姐對住我地4個客講，你地有邊位唔介意是但一個位bar枱呀??即係點呢? 其實我地黎先，你都唔洗問啦 ，我點答你喎....今晚叫左...1) 吉列炸蠔配胡麻醬手打烏冬 : 平日食胡麻醬佢多數都係凍食，今次呢個熱食就試下佢啦，個湯底都唔錯，不過似花生醬湯，照舊有幾條甜豆同半隻好味既糖芯蛋 。佢個炸蠔好好味，個吉列炸得好透又唔粉。2) 燒鳥手打烏冬地獄涼湯底另加牛肉 : 一如以往個燒鳥(雞扒)係等得耐小小，不過佢個皮係燒得好好食，脆得黎唔會覺得油，所以佢係我唯一會食埋皮既雞扒，個湯底都算辣(對於我咋!我先生佢完全唔覺得辣)，個牛肉先抵食，好似係加左$10有4塊喎，好抵食3) 炸紫薯栗子批(好似係呢個名)$36-38 : 因為鍾意食蕃薯同栗子所以叫左，我覺得好好食，因為佢有小小甜甜地，而且入面有原粒栗子....正....
今次見唔係好洗等位就去左食，只係等執枱o者...門口姐姐叫我地等一陣...
我地之後又有2位黎到，姐姐對住我地4個客講，你地有邊位唔介意是但一個位bar枱呀??
即係點呢? 其實我地黎先，你都唔洗問啦 ，我點答你喎....
今晚叫左...
1) 吉列炸蠔配胡麻醬手打烏冬 : 平日食胡麻醬佢多數都係凍食，今次呢個熱食就試下佢啦，個湯底都唔錯，不過似花生醬湯，照舊有幾條甜豆同半隻好味既糖芯蛋 。佢個炸蠔好好味，個吉列炸得好透又唔粉。
2) 燒鳥手打烏冬地獄涼湯底另加牛肉 : 一如以往個燒鳥(雞扒)係等得耐小小，不過佢個皮係燒得好好食，脆得黎唔會覺得油，所以佢係我唯一會食埋皮既雞扒，個湯底都算辣(對於我咋!我先生佢完全唔覺得辣)，個牛肉先抵食，好似係加左$10有4塊喎，好抵食
3) 炸紫薯栗子批(好似係呢個名)$36-38 : 因為鍾意食蕃薯同栗子所以叫左，我覺得好好食，因為佢有小小甜甜地，而且入面有原粒栗子....正....
題外話/補充資料：
我有9折會員咭....
(以上食評乃用戶個人意見 , 並不代表OpenRice之觀點。)
張貼
