影片
更多
2014-07-29
934 瀏覽
繼先前既翠亨邨點心放題一戰今次就黎到另一間位於灣仔OZO Wesley（大概可以稱其為精品酒店）既饌呢間係上次係雜誌見到先知，當時係度揀試佢定係翠好睇番細節先知原來呢邊係星期六、日及公眾假期先會供應既剛好同翠唔會撞時間咁仲使諗咩？梗係兩間都試啦XDDD任點任食由中午十二時至下午三時，無限時價錢為$108+18（茶芥）+10%（加一）不過今次係即興去，冇訂到位有點擔心佢會爆場，仲要係星期日可能多人咁好彩去到係七八成滿，仲有位俾到我地:^)但之後聽到職員話星期六試過好爆場，我諗大家如果有意都係訂位穩陣D精美小食涼拌萵筍帶微辣，不嗆，主要是香味萵筍軟身但不易爛，微脆，水分多，感覺清新開胃五香牛腱算係厚片，肉質偏老感覺少少鞋身，帶點濕潤有水分，唔會難嚼筋位透光有如啫喱，更有彈性，食落爽口彈牙有嚼勁五香味一般，味道偏淡，沒有太多油份，食多都唔會太鹹太膩滯膠原果醋春耳有冇膠原就唔知啦XDDDDD但木耳爽口，配上果醋，酸中帶甜，開胃解膩另外要一提，佢地既木耳係冇果種放左好耐既怪味，食落順口d清新d蒸美點心水晶鮮蝦餃外皮晶瑩剔透，厚薄均勻餡料都幾多既，但底部仍沒有濕軟裂開蝦肉彈牙爽口，沒有雪藏味，感覺
今次就黎到另一間位於灣仔OZO Wesley（大概可以稱其為精品酒店）既饌
呢間係上次係雜誌見到先知，當時係度揀試佢定係翠好
睇番細節先知原來呢邊係星期六、日及公眾假期先會供應既
剛好同翠唔會撞時間
咁仲使諗咩？梗係兩間都試啦XDDD
任點任食由中午十二時至下午三時，無限時價錢為$108+18（茶芥）+10%（加一）
不過今次係即興去，冇訂到位
有點擔心佢會爆場，仲要係星期日可能多人咁
好彩去到係七八成滿，仲有位俾到我地:^)
但之後聽到職員話星期六試過好爆場，我諗大家如果有意都係訂位穩陣D
精美小食
涼拌萵筍帶微辣，不嗆，主要是香味萵筍軟身但不易爛，微脆，水分多，感覺清新開胃
五香牛腱算係厚片，肉質偏老
感覺少少鞋身，帶點濕潤有水分，唔會難嚼
筋位透光有如啫喱，更有彈性，食落爽口彈牙有嚼勁
五香味一般，味道偏淡，沒有太多油份，食多都唔會太鹹太膩滯
膠原果醋春耳有冇膠原就唔知啦XDDDDD
但木耳爽口，配上果醋，酸中帶甜，開胃解膩
另外要一提，佢地既木耳係冇果種放左好耐既怪味，食落順口d清新d
蒸美點心
水晶鮮蝦餃外皮晶瑩剔透，厚薄均勻餡料都幾多既，但底部仍沒有濕軟裂開
蝦肉彈牙爽口，沒有雪藏味，感覺鮮清
野菌素餃未食已覺好足料，十分飽滿外皮軟糯有嚼勁，厚度適中沒有裂開
餡料微油，但菇菌香氣重，新鮮可口
懷舊叉燒包香軟味甜，外表唔會太乾
餡料幾足，叉燒不多脂肪，醬料份量剛剛好，唔會太濃味太膩
潮州粉果皮層不算太厚，軟身帶糯感
餡算係多，花生香氣甚是濃郁
不過就有d油膩，真係一個起兩個止
鮮蝦腐竹卷腐竹帶淡淡豆香，滑身易入口
餡足，蝦肉味鮮彈牙
可惜醬料也許下太多粟粉，變左啫喱狀，加上腐竹有點油，整體感覺好易膩滯
流沙奶皇包我放左太耐都未食，已經不是流沙了
但佢既餡料好香口，奶皇香甜不膩
仲有少少蛋黃香，令人想一吃再吃:^)
冬菇燒賣既冬菇係爽口多水分，仲要冇怪味添主體部分既豬肉香口，咬落去都幾彈牙，又唔會好韌，濕潤度足
香茜牛肉球牛肉味香，滑身得黎唔會好易散
有彈性有水分，濕潤順口
芫茜香得黎唔會太濃烈，提味去腥去羶味，感覺不錯
豉汁蒸排骨其實我唔係好中意食，只係出於好奇一試
排骨滑身，總覺得好多脂肪，好油
不過肉質係嫩滑，肉香都幾濃郁既
豉汁香而不過鹹，是更添了份香氣了
金瑤蝦乾蒸蘿蔔糕有d特別，佢既料係放係外面蘿蔔糕既蘿蔔味頗為清香，夾開可見不少蘿蔔絲
頓時給人感覺係用心去做而非光是用糕漿濫竽充數
但係呢……其實佢係冇瑤柱蝦乾，反而係有好多臘腸粒
冇所謂啦，佢既臘腸粒不算太肥，味道帶微甜，還是可以的:^0
張貼
