82

營業中

休息中

最近疫情影響，好多餐廳酒吧娛樂場所都受到影響生意大跌。佢地都推出咗好多唔同嘅優惠吸引食客，呢一間喺荃灣嘅酒吧就令我大開眼界，居然$38就可以食到雞牛豬嘅任食串燒，係咪真係咁抵食呢？同朋友幾個人經過荃灣呢間舖頭唔係太顯眼，位置就係肉餅歌同埋一間回收廠隔離，有點偏遠，但裝修比較年青化，未必太多人知道，是私人聚會的好地方。原來呢度每人叫一杯嘢飲之後加$38就可以任食呢3款串燒，有得揀辣同唔辣，另外喺部iPad上面仲可以揀其他小食拼盤，有花枝丸、蟹餅薯蓉、炸鮑魚菇等等，款式都比較多元化。我最鍾意飲我個杯Pina Colada，感覺好Smoothie，綿綿的細冰充滿菠蘿椰汁味道，少少酒精成份，格外涼透心。朋友就叫咗杯1664，夠凍，一啖酒一啖串燒，人生一大享受。